10:2 בַּֽיהוָ֨ה ׀ חָסִ֗יתִי אֵ֭יךְ תֹּאמְר֣וּ לְנַפְשִׁ֑י * נ֝֗וּדִי הַרְכֶ֥ם צִפּֽוֹר׃
10:3 כִּ֤י הִנֵּ֪ה הָרְשָׁעִ֡ים יִדְרְכ֬וּן קֶ֗שֶׁת † כּוֹנְנ֣וּ חִצָּ֣ם עַל־יֶ֑תֶר * לִיר֥וֹת בְּמוֹ־אֹ֝֗פֶל לְיִשְׁרֵי־לֵֽב׃
10:4 כִּ֣י הַ֭שָּׁתוֹת יֵֽהָרֵס֑וּן * צַ֝דִּ֗יק מַה־פָּעָֽל׃
10:5a יְהוָ֤ה ׀ בְּֽהֵ֘יכַ֤ל קָדְשׁ֗וֹ * יְהוָה֮ בַּשָּׁמַ֢יִם כִּ֫סְא֥וֹ׃
10:5b עֵינָ֥יו יֶחֱז֑וּ * עַפְעַפָּ֥יו יִ֝בְחֲנ֗וּ בְּנֵ֣י אָדָֽם׃
10:6 יְהוָה֮ צַדִּ֢יק יִ֫בְחָ֥ן * וְ֭רָשָׁע וְאֹהֵ֣ב חָמָ֑ס שָֽׂנְאָ֥ה נַפְשֽׁוֹ׃
10:7 יַמְטֵ֥ר עַל־רְשָׁעִ֗ים פַּ֫חִ֥ים * אֵ֣שׁ וְ֭גָפְרִית וְר֥וּחַ זִלְעָפ֗וֹת מְנָ֣ת כּוֹסָֽם׃
10:8 כִּֽי־צַדִּ֣יק יְ֭הוָה צְדָק֣וֹת אָהֵ֑ב * יָ֝שָׁ֗ר יֶחֱז֥וּ פָנֵֽימוֹ׃
