114:1 אָ֭הַבְתִּי כִּֽי־יִשְׁמַ֥ע ׀ יְהוָ֑ה * אֶת־ק֝וֹלִ֗י תַּחֲנוּנָֽי׃
114:2 כִּֽי־הִטָּ֣ה אָזְנ֣וֹ לִ֑י * וּבְיָמַ֥י אֶקְרָֽא׃
114:3a אֲפָפ֤וּנִי ׀ חֶבְלֵי־מָ֗וֶת * וּמְצָרֵ֣י שְׁא֣וֹל מְצָא֑וּנִי׃
114:3b צָרָ֖ה וְיָג֣וֹן אֶמְצָֽא׃ * וּבְשֵֽׁם־יְהוָ֥ה אֶקְרָ֑א׃
114:4b אָנָּ֥ה יְ֝הוָ֗ה מַלְּטָ֥ה נַפְשִֽׁי׃ † חַנּ֣וּן יְהֹוָ֣ה וְצַדִּ֑יק * וֵ֖אלֹהֵ֣ינוּ מְרַחֵֽם׃
114:6 שֹׁמֵ֣ר פְּתָאיִ֣ם יְהֹוָ֑ה * דַּ֝לּוֹתִ֗י וְלִ֣י יְהוֹשִֽׁיעַ׃
114:7 שׁוּבִ֣י נַ֭פְשִׁי לִמְנוּחָ֑יְכִי * כִּֽי־יְ֝הוָ֗ה גָּמַ֥ל עָלָֽיְכִי׃
114:8 כִּ֤י חִלַּ֥צְתָּ נַפְשִׁ֗י מִ֫מָּ֥וֶת † אֶת־עֵינִ֥י מִן־דִּמְעָ֑ה * אֶת־רַגְלִ֥י מִדֶּֽחִי׃
114:9 אֶ֭תְהַלֵּךְ לִפְנֵ֣י יְהוָ֑ה * בְּ֝אַרְצ֗וֹת הַֽחַיִּֽים׃
