115:1 הֶ֭אֱמַנְתִּי כִּ֣י אֲדַבֵּ֑ר * אֲ֝נִ֗י עָנִ֥יתִי מְאֹֽד׃
115:2 אֲ֭נִי אָמַ֣רְתִּי בְחָפְזִ֑י * כָּֽל־הָאָדָ֥ם כֹּזֵֽב׃
115:3 מָֽה־אָשִׁ֥יב לַיהוָ֑ה * כָּֽל־תַּגְמוּל֥וֹהִי עָלָֽי׃
115:4 כּוֹס־יְשׁוּע֥וֹת אֶשָּׂ֑א * וּבְשֵׁ֖ם יְהוָ֣ה אֶקְרָֽא׃
115:5 נְ֭דָרַי לַיהוָ֣ה אֲשַׁלֵּ֑ם * נֶגְדָה־נָּ֝֗א לְכָל־עַמּֽוֹ׃ † יָ֭קָר בְּעֵינֵ֣י יְהוָ֑ה הַ֝מָּ֗וְתָה לַחֲסִידָֽיו׃
115:7a אֽ͏ָנָּ֣ה יְהוָה֮ כִּֽי־אֲנִ֢י עַ֫בְדֶּ֥ךָ * אֲ‍ֽנִי־עַ֭בְדְּךָ בֶּן־אֲמָתֶ֑ךָ׃
115:7b פִּ֝תַּ֗חְתָּ לְמוֹסֵרָֽי׃ † לְֽךָ־אֶ֭זְבַּח זֶ֣בַח תּוֹדָ֑ה * וּבְשֵׁ֖ם יְהוָ֣ה אֶקְרָֽא׃
115:9 נְ֭דָרַי לַיהוָ֣ה אֲשַׁלֵּ֑ם נֶגְדָה־נָּ֝֗א לְכָל־עַמּֽוֹ׃ * בְּחַצְר֤וֹת ׀ בֵּ֤ית יְהוָ֗ה בְּֽת֘וֹכֵ֤כִי יְֽרוּשָׁלִָ֗ם הַֽלְלוּ־יָֽהּ׃
