120:1 אֶשָּׂ֣א עֵ֭ינַי אֶל־הֶהָרִ֑ים * מֵ֝אַ֗יִן יָבֹ֥א עֶזְרִֽי׃
120:2 עֶ֭זְרִי מֵעִ֣ם יְהוָ֑ה * עֹ֝שֵׂ֗ה שָׁמַ֥יִם וָאָֽרֶץ׃
120:3 אַל־יִתֵּ֣ן לַמּ֣וֹט רַגְלֶ֑ךָ * אַל־יָ֝נ֗וּם שֹֽׁמְרֶֽךָ׃
120:4 הִנֵּ֣ה לֹֽא־יָ֭נוּם וְלֹ֣א יִישָׁ֑ן * שׁ֝וֹמֵ֗ר יִשְׂרָאֵֽל׃
120:5 יְהוָ֥ה שֹׁמְרֶ֑ךָ * יְהוָ֥ה צִ֝לְּךָ֗ עַל־יַ֥ד יְמִינֶֽךָ׃
120:6 יוֹמָ֗ם הַשֶּׁ֥מֶשׁ לֹֽא־יַכֶּ֗כָּה * וְיָרֵ֥חַ בַּלָּֽיְלָה׃
120:7 יְֽהוָ֗ה יִשְׁמָרְךָ֥ מִכָּל־רָ֑ע * יִ֝שְׁמֹ֗ר אֶת־נַפְשֶֽׁךָ׃
120:8 יְֽהוָ֗ה יִשְׁמָר־צֵאתְךָ֥ וּבוֹאֶ֑ךָ * מֵֽ֝עַתָּ֗ה וְעַד־עוֹלָֽם׃
