122:1 אֵ֭לֶיךָ נָשָׂ֣אתִי אֶת־עֵינַ֑י * הַ֝יֹּשְׁבִ֗י בַּשָּׁמָֽיִם׃
122:2a הִנֵּ֨ה כְעֵינֵ֪י עֲבָדִ֡ים אֶל־יַ֤ד אֲ‍ֽדוֹנֵיהֶ֗ם * כְּעֵינֵ֣י שִׁפְחָה֮ אֶל־יַ֢ד גְּבִ֫רְתָּ֥הּ׃
122:2b כֵּ֣ן עֵ֭ינֵינוּ אֶל־יְהוָ֣ה אֱלֹהֵ֑ינוּ * עַ֝֗ד שֶׁיְּחָנֵּֽנוּ׃
122:3 חָנֵּ֣נוּ יְהוָ֣ה חָנֵּ֑נוּ * כִּֽי־רַ֝֗ב שָׂבַ֥עְנוּ בֽוּז׃
122:4 רַבַּת֮ שָֽׂבְעָה־לָּ֢הּ נַ֫פְשֵׁ֥נוּ * הַלַּ֥עַג הַשַּׁאֲנַנִּ֑ים הַ֝בּ֗וּז לִגְאֵ֥יוֹנִֽים׃
