123:1 לוּלֵ֣י יְ֭הוָה שֶׁהָ֣יָה לָ֑נוּ * יֹֽאמַר־נָ֝א יִשְׂרָאֵֽל׃ † לוּלֵ֣י יְ֭הוָה שֶׁהָ֣יָה לָ֑נוּ * בְּק֖וּם עָלֵ֣ינוּ אָדָֽם׃
123:3 אֲ֭זַי חַיִּ֣ים בְּלָע֑וּנוּ * בַּחֲר֖וֹת אַפָּ֣ם בָּֽנוּ׃ † אֲ֭זַי הַמַּ֣יִם שְׁטָפ֑וּנוּ נַ֗חְלָה עָבַ֥ר עַל־נַפְשֵֽׁנוּ׃
123:5 אֲ֭זַי עָבַ֣ר עַל־נַפְשֵׁ֑נוּ * הַ֝מַּ֗יִם הַזֵּֽידוֹנִֽים׃
123:6 בָּר֥וּךְ יְהוָ֑ה * שֶׁלֹּ֥א נְתָנָ֥נוּ טֶ֝֗רֶף לְשִׁנֵּיהֶֽם׃
123:7a נַפְשֵׁ֗נוּ כְּצִפּ֥וֹר נִמְלְטָה֮ * מִפַּ֢ח י֫וֹקְשִׁ֥ים׃
123:7b הַפַּ֥ח נִשְׁבָּ֗ר * וַאֲנַ֥חְנוּ נִמְלָֽטְנוּ׃
123:8 עֶ֭זְרֵנוּ בְּשֵׁ֣ם יְהוָ֑ה * עֹ֝שֵׂ֗ה שָׁמַ֥יִם וָאָֽרֶץ׃
