125:1 בְּשׁ֣וּב יְ֭הוָה אֶת־שִׁיבַ֣ת צִיּ֑וֹן * הָ֝יִ֗ינוּ כְּחֹלְמִֽים׃
125:2a אָ֤ז יִמָּלֵ֪א שְׂח֡וֹק פִּינוּ֮ וּלְשׁוֹנֵ֢נוּ רִ֫נָּ֥ה * אָ֭ז יֹאמְר֣וּ בַגּוֹיִ֑ם׃
125:2b הִגְדִּ֥יל יְ֝הוָ֗ה לַעֲשׂ֥וֹת עִם־אֵֽלֶּה׃ * הִגְדִּ֣יל יְ֭הוָה לַעֲשׂ֥וֹת עִמָּ֗נוּ הָיִ֥ינוּ שְׂמֵחִֽים׃
125:4 שׁוּבָ֣ה יְ֭הוָה אֶת־שְׁבִיתֵ֑נוּ * כַּאֲפִיקִ֥ים בַּנֶּֽגֶב׃
125:5 הַזֹּרְעִ֥ים בְּדִמְעָ֗ה * בְּרִנָּ֥ה יִקְצֹֽרוּ׃
125:6a הָ֘ל֤וֹךְ יֵלֵ֨ךְ ׀ וּבָכֹה֮ נֹשֵׂ֢א מֶֽשֶׁךְ־הַ֫זָּ֥רַע׃
125:6b בֹּֽא־יָב֥וֹא בְרִנָּ֑ה * נֹ֝שֵׂ֗א אֲלֻמֹּתָֽיו׃
