126:1a אִם־יְהוָ֤ה ׀ לֹא־יִבְנֶ֬ה בַ֗יִת * שָׁ֤וְא ׀ עָמְל֣וּ בוֹנָ֣יו בּ֑וֹ׃
126:1b אִם־יְהוָ֥ה לֹֽא־יִשְׁמָר־עִ֝֗יר * שָׁ֤וְא ׀ שָׁקַ֬ד שׁוֹמֵֽר׃
126:2a שָׁ֤וְא לָכֶ֨ם ׀ מַשְׁכִּ֪ימֵי ק֡וּם מְאַֽחֲרֵי־שֶׁ֗בֶת * אֹ֭כְלֵי לֶ֣חֶם הָעֲצָבִ֑ים׃
126:2b כֵּ֤ן יִתֵּ֖ן לִֽידִיד֣וֹ שֵׁנָֽא׃ * הִנֵּ֤ה נַחֲלַ֣ת יְהוָ֣ה בָּנִ֑ים שָׂ֝כָ֗ר פְּרִ֣י הַבָּֽטֶן׃
126:4 כְּחִצִּ֥ים בְּיַד־גִּבּ֑וֹר * כֵּ֝֗ן בְּנֵ֣י הַנְּעוּרִֽים׃
126:5 אַשְׁרֵ֤י הַגֶּ֗בֶר אֲשֶׁ֤ר מִלֵּ֥א אֶת־אַשְׁפָּת֗וֹ מֵ֫הֶ֥ם * לֹֽא־יֵבֹ֑שׁוּ כִּֽי־יְדַבְּר֖וּ אֶת־אוֹיְבִ֣ים בַּשָּֽׁעַר׃
