127:1 אַ֭שְׁרֵי כָּל־יְרֵ֣א יְהוָ֑ה * הַ֝הֹלֵ֗ךְ בִּדְרָכָֽיו׃
127:2 יְגִ֣יעַ כַּ֭פֶּיךָ כִּ֣י תֹאכֵ֑ל * אַ֝שְׁרֶ֗יךָ וְט֣וֹב לָֽךְ׃
127:3a אֶשְׁתְּךָ֤ ׀ כְּגֶ֥פֶן פֹּרִיָּה֮ * בְּיַרְכְּתֵ֢י בֵ֫יתֶ֥ךָ׃
127:3b בָּ֭נֶיךָ כִּשְׁתִלֵ֣י זֵיתִ֑ים * סָ֝בִ֗יב לְשֻׁלְחָנֶֽךָ׃
127:4 הִנֵּ֣ה כִי־כֵ֭ן יְבֹ֥רַךְ גָּ֗בֶר * יְרֵ֣א יְהוָֽה׃
127:5 יְבָרֶכְךָ֥ יְהוָ֗ה מִצִ֫יּ֥וֹן * וּרְאֵה בְּט֣וּב יְרוּשָׁלָ֑͏ִם כֹּ֝֗ל יְמֵ֣י חַיֶּֽיךָ׃
127:6 וּרְאֵֽה־בָנִ֥ים לְבָנֶ֑יךָ * שָׁ֝ל֗וֹם עַל־יִשְׂרָאֵֽל׃
