128:1 רַ֭בַּת צְרָר֣וּנִי מִנְּעוּרַ֑י * יֹֽאמַר־נָ֝א יִשְׂרָאֵֽל׃
128:2 רַ֭בַּת צְרָר֣וּנִי מִנְּעוּרָ֑י * גַּ֝ם לֹא־יָ֥כְלוּ לִֽי׃
128:3 עַל־גַּ֭בִּי חָרְשׁ֣וּ חֹרְשִׁ֑ים * הֶ֝אֱרִ֗יכוּ לְמַעֲנִיתָֽם׃
128:4 יְהוָ֥ה צַדִּ֑יק * קִ֝צֵּ֗ץ עֲב֣וֹת רְשָׁעִֽים׃
128:5 יֵ֭בֹשׁוּ וְיִסֹּ֣גוּ אָח֑וֹר * כֹּ֝֗ל שֹׂנְאֵ֥י צִיּֽוֹן׃ † יִ֭הְיוּ כַּחֲצִ֣יר גַּגּ֑וֹת שֶׁקַּדְמַ֖ת שָׁלַ֣ף יָבֵֽשׁ׃
128:7 שֶׁלֹּ֤א מִלֵּ֖א כַפּ֥וֹ קוֹצֵ֗ר * וְחִצְנ֥וֹ מְעַמֵּֽר׃
128:8 וְלֹ֤א אָֽמְר֨וּ ׀ הָעֹבְרִ֗ים בִּרְכַּֽת־יְהוָ֥ה אֲלֵיכֶ֑ם * בֵּרַ֥כְנוּ אֶ֝תְכֶ֗ם בְּשֵׁ֣ם יְהוָֽה׃
