13:1a אָ֘מַ֤ר נָבָ֣ל בְּ֭לִבּוֹ * אֵ֣ין אֱלֹהִ֑ים׃
13:1b הִֽשְׁחִ֗יתוּ הִֽתְעִ֥יבוּ עֲלִילָ֗ה * אֵ֣ין עֹֽשֵׂה־טֽוֹב׃
13:2 יְֽהוָ֗ה מִשָּׁמַיִם֮ הִשְׁקִ֢יף עַֽל־בְּנֵי־אָדָ֥ם * לִ֭רְאוֹת הֲיֵ֣שׁ מַשְׂכִּ֑יל דֹּ֝רֵשׁ אֶת־אֱלֹהִֽים׃
13:3a הַכֹּ֥ל סָר֮ יַחְדָּ֢ו נֶ֫אֱלָ֥חוּ * אֵ֤ין עֹֽשֵׂה־ט֑וֹב אֵ֝֗ין גַּם־אֶחָֽד׃
13:4 הֲלֹ֥א יָדְעוּ֮ כָּל־פֹּ֢עֲלֵ֫י אָ֥וֶן * אֹכְלֵ֣י עַ֭מִּי אָ֣כְלוּ לֶ֑חֶם יְ֝הוָ֗ה לֹ֣א קָרָֽאוּ׃
13:5 שָׁ֤ם ׀ פָּ֣חֲדוּ פָ֑חַד * כִּֽי־אֱ֝לֹהִ֗ים בְּד֣וֹר צַדִּֽיק׃
13:6 עֲצַת־עָנִ֥י תָבִ֑ישׁוּ * כִּ֖י יְהוָ֣ה מַחְסֵֽהוּ׃
13:7 מִ֥י יִתֵּ֣ן מִצִיּוֹן֮ יְשׁוּעַ֢ת יִשְׂרָ֫אֵ֥ל † בְּשׁ֣וּב יְ֭הוָה שְׁב֣וּת עַמּ֑וֹ * יָגֵ֥ל יַ֝עֲקֹ֗ב יִשְׂמַ֥ח יִשְׂרָֽאֵל׃
