14:1 י֭הֹוָה מִי־יָג֣וּר בְּאָהֳלֶ֑ךָ * מִֽי־יִ֝שְׁכֹּ֗ן בְּהַ֣ר קָדְשֶֽׁךָ׃
14:2 הוֹלֵ֣ךְ תָּ֭מִים וּפֹעֵ֥ל צֶ֑דֶק * וְדֹבֵ֥ר אֱ֝מֶ֗ת בִּלְבָֽבוֹ׃
14:3a לֹֽא־רָגַ֨ל ׀ עַל־לְשֹׁנ֗וֹ * לֹא־עָשָׂ֣ה לְרֵעֵ֣הוּ רָעָ֑ה׃
14:3b וְ֝חֶרְפָּ֗ה לֹא־נָשָׂ֥א * עַל־קְרֹֽבוֹ׃
14:4a נִבְזֶ֤ה ׀ בְּֽעֵ֘ינָ֤יו נִמְאָ֗ס * וְאֶת־יִרְאֵ֣י יְהוָ֣ה יְכַבֵּ֑ד׃
14:4b נִשְׁבַּ֥ע לְ֝הָרַ֗ע וְלֹ֣א יָמִֽר׃
14:5 כַּסְפּ֤וֹ ׀ לֹא־נָתַ֣ן בְּנֶשֶׁךְ֮ וְשֹׁ֥חַד עַל־נָקִ֗י לֹ֥א לָ֫קָ֥ח * עֹֽשֵׂה־אֵ֑לֶּה לֹ֖א יִמּ֣וֹט לְעוֹלָֽם׃
