150:1 הַֽלְלוּ־אֵ֥ל בְּקָדְשׁ֑וֹ * הֽ͏ַ֝לְל֗וּהוּ בִּרְקִ֥יעַ עֻזּֽוֹ׃
150:2 הַֽלְל֥וּהוּ בִגְבוּרֹתָ֑יו * הֽ͏ַ֝לְל֗וּהוּ כְּרֹ֣ב גֻּדְלֽוֹ׃
150:3 הַֽ֭לְלוּהוּ בְּתֵ֣קַע שׁוֹפָ֑ר * הַֽ֝לְל֗וּהוּ בְּנֵ֣בֶל וְכִנּֽוֹר׃
150:4 הַֽ֭לְלוּהוּ בְּתֹ֣ף וּמָח֑וֹל * הַֽ֝לְל֗וּהוּ בְּמִנִּ֥ים וְעוּגָֽב׃
150:5 הַֽלְל֥וּהוּ בְצִלְצְלֵי־שָׁ֑מַע † הַֽ֝לְל֗וּהוּ בְּֽצִלְצְלֵ֥י תְרוּעָֽה׃ * כֹּ֣ל הַ֭נְּשָׁמָה תְּהַלֵּ֥ל יָ֗הּ הַֽלְלוּ־יָֽהּ׃
