(שִׁירַת יְהוּדִית * יהו׳ טז:טו-כב)
16:15 אָשִׁ֤ירָה לַֽיהוָה֙ * כִּ֥י גָאֹ֖ה גָּאָֽה׃
16:16 נֶאְדָּ֣ר בְּכֹ֔חַ * וְנֶאְדָּ֖ר בִּגְבוּרָֽה׃
16:17 ל֤וֹ יִכְרַע֙ כָּל־בֶּ֔רֶךְ * ה֣וּא צִוָּ֔ה וַיַּעֲמֹֽד׃
16:18 שָׁלַ֤ח רוּחוֹ֙ וַיֶּ֔הִי * מִ֥י נֶגְדּ֖וֹ יָק֥וּם יִתְיַצָּֽב׃
16:19 הָרִ֤ים וּנְהָרוֹת֙ מִפָּנָ֣יו יִרְעָ֔שׁוּן * צוּרִ֥ים וְכֵפִ֖ים כַּדּוֹנַ֥ג יִמָּסּֽוּן׃
16:20 וְלִיוֹדְעָ֖יו * יִמְשֹׁ֥ךְ חֶ֖סֶד וְרַחֲמִֽים׃
16:21 א֤וֹי לְךָ֙ גּ֣וֹי נָבָ֔ל כִּ֥י תַעֲשֹׁ֖ק אֶת־עַמִּ֑י * גְּמוּלְךָ֤ יְשֻׁלָּם֙ כִּ֥י יִבָּקַ֖ע י֥וֹם נָקָֽם׃
16:22 בְּשָׂרְךָ֙ יְנֻגַּ֣ע בְּחַרְח֔וּר וְכִלְיוֹתֶ֖יךָ תֹּאכַ֣ל רִמָּ֑ה * וְלָנֶ֖צַח עֵינֶ֥יךָ יִדְמָֽעוּ׃
