(שִׁירַת שְׁלֹשֶׁת הַנְּעָרִים * דנ׳ ג:נב-נז)
3:52 מְהֻלָּ֤ל שִׁמְךָ֙ יְהוָ֣ה אֱלֹהֵ֣י אֲבוֹתֵ֔ינוּ * בָּר֥וּךְ וּמְבֹרָ֖ךְ לְד֥וֹר וָדֽוֹר׃
3:53 יְהִ֤י שֵׁ֣ם תִּפְאַרְתְּךָ֔ מְכֻבָּ֑ד * לָנֶ֤צַח יְשֻׂגַּב֙ שֵׁ֖ם קָדְשֶֽׁךָ׃
3:54 בָּר֤וּךְ אַתָּה֙ בִּמְע֣וֹן קָדְשֶׁ֔ךָ * בָּר֥וּךְ וּמְפֹאָ֖ר לְעוֹלְמֵ֥י עוֹלָמִֽים׃
3:55 בָּר֤וּךְ אַתָּה֙ עַל־כִּסֵּ֣א מַלְכוּתֶ֔ךָ * יְרוֹמַ֥ם שִׁמְךָ֖ לְעוֹלָ֥ם וָעֶֽד׃
3:56 יוֹשֵׁ֤ב הַכְּרוּבִים֙ וְצוֹפֶ֣ה מִמַּעֲמַקִּ֔ים * יְשֻׁבַּ֥ח שִׁמְךָ֖ לְנֶ֥צַח נְצָחִֽים׃
3:57 בִּרְקִ֥יעַ שָׁמַ֖יִם יְקֻדַּ֣שׁ שְׁמֶ֑ךָ * יִנָּשֵׂ֤א וִיפֹאַר֙ לְד֥וֹרוֹת עוֹלָמִֽים׃
