(שִׁירַת הוֹשֵׁעַ * הוש׳ ו:א-ו)
6:1 לְכוּ֙ וְנָשׁ֣וּבָה אֶל־יְהוָ֔ה כִּ֛י ה֥וּא טָרָ֖ף וְיִרְפָּאֵ֑נוּ * יַ֖ךְ וְיַחְבְּשֵֽׁנוּ׃
6:3 יְחַיֵּ֖נוּ מִיֹּמָ֑יִם * בַּיּוֹם֙ הַשְּׁלִישִׁ֔י יְקִמֵ֖נוּ וְנִחְיֶ֥ה לְפָנָֽיו׃
6:3 וְנֵדְעָ֣ה נִרְדְּפָ֗ה * לָדַ֙עַת֙ אֶת־יְהוָֽה׃
6:3 כְּשַׁ֖חַר נָכ֣וֹן מֽוֹצָא֑וֹ * וְיָב֤וֹא כַגֶּ֙שֶׁם֙ לָ֔נוּ כְּמַלְק֖וֹשׁ י֥וֹרֶה אָֽרֶץ׃
6:4 מָ֤ה אֶֽעֱשֶׂה־לְּךָ֙ אֶפְרַ֔יִם מָ֥ה אֶעֱשֶׂה־לְּךָ֖ יְהוּדָ֑ה * וְחַסְדְּכֶם֙ כַּֽעֲנַן־בֹּ֔קֶר וְכַטַּ֖ל מַשְׁכִּ֥ים הֹלֵֽךְ׃
6:5 עַל־כֵּ֗ן חָצַ֙בְתִּי֙ בַּנְּבִיאִ֔ים הֲרַגְתִּ֖ים בְּאִמְרֵי־פִ֑י * וּמִשְׁפָּטֶ֖יךָ א֥וֹר יֵצֵֽא׃
6:6 כִּ֛י חֶ֥סֶד חָפַ֖צְתִּי וְלֹא־זָ֑בַח * וְדַ֥עַת אֱלֹהִ֖ים מֵעֹלֽוֹת׃
