(שִׁירַת יְשַׁעְיָה * יש׳ סא:ו-ט)
61:6 וְאַתֶּ֗ם כֹּהֲנֵ֤י יְהוָה֙ תִּקָּרֵ֔אוּ * מְשָׁרְתֵ֣י אֱלֹהֵ֔ינוּ יֵאָמֵ֖ר לָכֶֽם׃
61:6 חֵ֤יל גּוֹיִם֙ תֹּאכֵ֔לוּ * וּבִכְבוֹדָ֖ם תִּתְיַמָּֽרוּ׃
61:7 תַּ֤חַת בָּשְׁתְּכֶם֙ מִשְׁנֶ֔ה וּכְלִמָּ֖ה * יָרֹ֣נּוּ חֶלְקָֽם׃
61:7 לָכֵ֤ן בְּאַרְצָם֙ מִשְׁנֶ֣ה יִירָ֔שׁוּ * שִׂמְחַ֥ת עוֹלָ֖ם תִּהְיֶ֥ה לָהֶֽם׃
61:8 כִּ֣י אֲנִ֤י יְהוָה֙ אֹהֵ֣ב מִשְׁפָּ֔ט * שֹׂנֵ֥א גָזֵ֖ל בְּעוֹלָֽה׃
61:8 וְנָתַתִּ֤י פְעֻלָּתָם֙ בֶּאֱמֶ֔ת * וּבְרִ֥ית עוֹלָ֖ם אֶכְר֥וֹת לָהֶֽם׃
61:9 וְנוֹדַ֤ע בַּגּוֹיִם֙ זַרְעָ֔ם * וְצֶאֱצָאֵיהֶ֖ם בְּת֣וֹךְ הָעַמִּֽים׃
61:9 כָּל־רֹֽאֵיהֶם֙ יַכִּיר֔וּם * כִּ֛י הֵ֥ם זֶ֖רַע בֵּרַ֥ךְ יְהוָֽה׃
