(שִׁירַת חָכְמַת שְׁלֹמֹה * חכ׳ טז:כ-כא, כו, כט; יז:א)
16:20 וּלְעֻמַּת־זֶ֤ה בְּלֶ֙חֶם֙ אַבִּירִ֣ים כִּלְכַּ֣לְתָּ עַמֶּ֔ךָ * וַתַּמְטֵ֤ר דְּגַן־שָׁמַ֙יִם֙ לָהֶ֔ם אֲשֶׁ֖ר לֹא־עָמְלוּ־בֽוֹ׃
16:20 וַיְהִ֤י מַעֲדַנִּים֙ לְנַפְשָׁ֔ם * וְטַעְמ֖וֹ כְּחֵ֣פֶץ כָּל־אוֹכְלָֽיו׃
16:21 בְּרוֹב־טוּבְךָ֙ הוֹדַ֣עְתָּ חַסְדְּךָ֔ לְבָנֶ֑יךָ * כִּ֛י טַ֥עַם הַמָּ֖ן כִּרְצ֥וֹן אִ֥ישׁ וָאִֽישׁ׃
16:26 לְמַ֤עַן יִלְמְדוּ֙ בָּנֶ֣יךָ אֲשֶׁ֣ר אָהַ֔בְתָּ כִּ֣י לֹ֤א עַל־הַלֶּ֙חֶם֙ לְבַדּ֔וֹ יִחְיֶ֖ה הָאָדָ֑ם * כִּי־אִ֣ם מוֹצָ֣א פִ֔יךָ יְחַיֶּ֖ה כָּל־הַמַּאֲמִינִ֥ים בָּֽךְ׃
16:29 כִּ֤י תִקְוַ֣ת חָנֵ֔ף תֹּאבַ֑ד כְּהִמַּ֤ס הַכְּפוֹר֙ בַּבֹּ֔קֶר * וְתִתְבַּלַּ֖ע כְּמַ֥יִם הַנִּגָּרִ֖ים אָֽרְצָה׃
17:1 גְּדוֹלִ֣ים מִשְׁפְּטֵ֣י יְהוָ֔ה וְאֵ֖ין סְפֻר֣וֹת לָהֶ֑ם * עַל־כֵּ֖ן יִתְע֥וּ הָאֱוִילִֽים׃
