3:2 יְ֭הוָה מָֽה־רַבּ֣וּ צָרָ֑י * רַ֝בִּ֗ים קָמִ֥ים עָלָֽי׃
3:3 רַבִּים֮ אֹמְרִ֢ים לְנַ֫פְשִׁ֥י * אֵ֤ין יְֽשׁוּעָ֓תָה לּ֬וֹ בֵֽאלֹהִ֬ים סֶֽלָה׃
3:4 וְאַתָּ֣ה יְ֭הוָה מָגֵ֣ן בַּעֲדִ֑י * כְּ֝בוֹדִ֗י וּמֵרִ֥ים רֹאשִֽׁי׃
3:5 ק֖וֹלִי אֶל־יְהוָ֣ה אֶקְרָ֑א * וַיַּֽעֲנֵ֨נִי מֵהַ֖ר קָדְשׁ֣וֹ סֶֽלָה׃
3:6 אֲנִ֥י שָׁכַ֗בְתִּי וָֽאִ֫ישָׁ֥נָה הֱקִיצ֑וֹתִי * כִּ֖י יְהוָ֣ה יִסְמְכֵֽנִי׃
3:7 לֹֽא־אִ֭ירָא מֵרִבְב֥וֹת עָ֑ם אֲשֶׁ֥ר סָ֝בִ֗יב שָׁ֣תוּ עָלָֽי׃ * ק֘וּמָ֤ה יְהוָ֨ה ׀ הוֹשִׁ֘יעֵ֤נִי אֱלֹהַ֗י׃
3:8 כִּֽי־הִכִּ֣יתָ אֶת־כָּל־אֹיְבַ֣י לֶ֑חִי * שִׁנֵּ֖י רְשָׁעִ֣ים שִׁבַּֽרְתָּ׃
3:9 לַיהוָ֥ה הַיְשׁוּעָ֑ה * עַֽל־עַמְּךָ֖ בִרְכָתֶ֣ךָ סֶּֽלָה׃
