66:2 אֱלֹהִ֗ים יְחָנֵּ֥נוּ וִֽיבָרְכֵ֑נוּ * יָ֤אֵר פָּנָ֖יו אִתָּ֣נוּ סֶֽלָה׃
66:3 לָדַ֣עַת בָּאָ֣רֶץ דַּרְכֶּ֑ךָ * בְּכָל־גּ֝וֹיִ֗ם יְשׁוּעָתֶֽךָ׃
66:4 יוֹד֖וּךָ עַמִּ֥ים ׀ אֱלֹהִ֑ים * י֝וֹד֗וּךָ עַמִּ֥ים כֻּלָּֽם׃
66:5 יִֽשְׂמְח֥וּ וִֽירַנְּנ֗וּ לְאֻ֫מִּ֥ים † כִּֽי־תִשְׁפֹּ֣ט עַמִּ֣ים מִישׁ֑וֹר * וּלְאֻמִּ֓ים ׀ בָּאָ֖רֶץ תַּנְחֵ֣ם סֶֽלָה׃
66:6 יוֹד֖וּךָ עַמִּ֥ים ׀ אֱלֹהִ֑ים * י֝וֹד֗וּךָ עַמִּ֥ים כֻּלָּֽם׃
66:7 אֶ֭רֶץ נָתְנָ֣ה יְבוּלָ֑הּ † יְ֝בָרְכֵ֗נוּ אֱלֹהִ֥ים אֱלֹהֵֽינוּ׃ * יְבָרְכֵ֥נוּ אֱלֹהִ֑ים וְיִֽירְא֥וּ אֹ֝ת֗וֹ כָּל־אַפְסֵי־אָֽרֶץ׃
