92:1a יְהוָ֣ה מָלָךְ֮ גֵּא֢וּת לָ֫בֵ֥שׁ * לָבֵ֣שׁ יְ֭הוָה עֹ֣ז הִתְאַזָּ֑ר׃
92:1b אַף־תִּכּ֥וֹן תֵּ֝בֵ֗ל * בַּל־תִּמּֽוֹט׃
92:2 נָכ֣וֹן כִּסְאֲךָ֣ מֵאָ֑ז * מֵֽעוֹלָ֣ם אָֽתָּה׃
92:3a נָשְׂא֤וּ נְהָר֨וֹת ׀ יְֽהוָ֗ה * נָשְׂא֣וּ נְהָר֣וֹת קוֹלָ֑ם׃
92:3b יִשְׂא֖וּ נְהָר֣וֹת דָּכְיָֽם׃ * מִקֹּל֨וֹת ׀ מַ֤יִם רַבִּ֗ים אַדִּירִ֣ים מִשְׁבְּרֵי־יָ֑ם׃
92:4b אַדִּ֖יר בַּמָּר֣וֹם יְהוָֽה׃
92:5 עֵֽדֹתֶ֨יךָ ׀ נֶאֶמְנ֬וּ מְאֹ֗ד * לְבֵיתְךָ֥ נַאֲוָה־קֹ֑דֶשׁ יְ֝הוָ֗ה לְאֹ֣רֶךְ יָמִֽים׃
