(Hominis e morte servati gratiarum actiones /:pars altera:/)
115:10 Confísus sum, étiam cum dixi: * ego afflíctus sum valde;
115:11 Ego dixi in pavóre meo: * omnis homo fallax!
115:12 Quid retríbuam Dómino * pro ómnibus quæ tríbuit mihi?
115:13 Cálicem salútis accípiam, * et nomen Dómini invocábo.
115:14 Vota mea Dómino reddam coram omni pópulo ejus. * (15) Pretiósa est in óculis Dómini mors sanctórum ejus.
115:16a O Dómine, ego servus tuus sum, * ego servus tuus, fílius ancíllæ tuæ:
115:16b Solvísti víncula mea. * (17) Tibi sacrificábo sacrifícium laudis, et nomen Dómini invocábo.
115:18 Vota mea Dómino reddam coram omni pópulo ejus, * (19) in átriis domus Dómini, in médio tui, Jerúsalem.
