(Dominus e summo periculo liberator)
123:1 Nisi Dóminus fuísset pro nobis, dicat jam Israël, * (2a) nisi Dóminus fuísset pro nobis:
123:2b Cum insúrgerent hómines in nos, * (3a) tunc vivos deglutíssent nos.
123:3b Cum excandésceret furor eórum in nos, * (4) tunc aqua submersísset nos;
123:4b Torrens transísset super nos; * (5) tunc transíssent super nos aquæ tuméntes.
123:6 Benedíctus Dóminus, qui non dedit nos * in prædam déntibus eórum.
123:7a Anima nostra sicut avis erépta est * de láqueo venántium:
123:7b Láqueus contrítus est, * et nos liberáti sumus.
123:8 Adjutórium nostrum in nómine Dómini, * qui fecit cælum et terram.
