(Pro plena instauratione populi oratio)
125:1 Cum redúceret Dóminus captívos Sion, * fúimus sicut somniántes.
125:2a Tunc replétum est risu os nostrum, * et lingua nostra exsultatióne.
125:2b Tunc dixérunt inter gentes: * magnífice fecit Dóminus cum eis.
125:3 Magnífice fecit Dóminus nobíscum: * facti sumus lætántes!
125:4 Verte, Dómine, sortem nostram, * sicut torréntes in terra austráli.
125:5 Qui séminant in lácrimis, * in exsultatióne metent.
125:6a Eúntes eunt et plorant, * semen spargéndum portántes:
125:6b Veniéntes vénient cum exsultatióne, * portántes manípulos suos.
