(Omnis prosperitas a Dei benefictione proficiscitur)
126:1a Nisi Dóminus ædificáverit domum, * in vanum labórant qui ædíficant eam.
126:1b Nisi Dóminus custodíerit civitátem, * in vanum vígilat custos.
126:2a Vanum est vobis súrgere ante lucem, * sedére in multam noctem, qui manducátis panem duri labóris:
126:2b Quóniam largítur diléctis suis in somno. * (3) Ecce donum Dómini sunt fílii, merces est fructus ventris.
126:4 Sicut sagíttæ in manu bellatóris, * ita fílii juventútis.
126:5 Beátus vir qui eis implévit pháretram suam: * non confundéntur, cum conténderint cum inimícis in porta.
