(Dominus rex potens universi orbis terrarum)
92:1a Dóminus regnat, majestátem indútus est, * indútus est Dóminus poténtiam, præcínxit se,
92:1b Et firmávit orbem terrárum, * qui non commovébitur.
92:2 Firma est sedes tua ab ævo, * ab ætérno tu es.
92:3a Extóllunt flúmina, Dómine, extóllunt flúmina vocem suam, * extóllunt flúmina fragórem suum. 
92:4 Poténtior voce aquárum multárum, poténtior ǽstibus maris: * potens in excélsis est Dóminus.
92:5 Testimónia tua fide digna sunt valde; * domum tuam decet sánctitas, Dómine, in longitúdinem diérum.
