[Name]
Mar(h)tí(h)næ(h)
Postcommunio=Mar(h)tí(h)na(h)

[Hymnus Matutinum]
v. Martínæ célebri pláudite nómini,
Cives Romúlei, pláudite glóriæ:
Insígnem méritis dícite Vírginem,
Christi dícite Mártyrem.
_
Hæc dum conspícuis orta paréntibus
Inter delícias, inter amábiles
Luxus illécebras, dítibus áffluit
Faustæ munéribus domus,
_
Vitæ despíciens cómmoda, dédicat
Se rerum Dómino, et munífica manu
Christi paupéribus distríbuens opes,
Quærit prǽmia cǽlitum.
_
Non illam crúcians úngula, non feræ,
Non virgæ horríbili vúlnere cómmovent;
Hinc lapsi e Súperum sédibus Angeli
Cælésti dape récreant.
_
Quin et depósita sævítie leo
Se rictu plácido próicit ad pedes:
Te, Martína, tamen dans gládius neci
Cæli cœ́tibus ínserit.
_
Te, thuris rédolens ara vapóribus,
Quæ fumat, précibus júgiter ínvocat,
Et falsum périmens auspícium, tui
Delet nóminis ómine.
_
A nobis ábigas lúbrica gáudia,
Tu, qui Martýribus dexter ades, Deus
Une et Trine: tuis da fámulis jubar,
Quo clemens ánimos beas.
Amen.

[Hymnus Laudes]
v. Tu natále solum prótege, tu bonæ
Da pacis réquiem Christíadum plagis;
Armórum strépitus, et fera prǽlia
In fines age Thrácios.
_
Et regum sócians ágmina sub crucis
Vexíllo, Sólymas néxibus éxime,
Vindéxque innócui sánguinis hósticum
Robur fúnditus érue.
_
Tu nostrum cólumen, tu decus ínclitum,
Nostrárum obséquium réspice méntium;
Romæ vota libens éxcipe, quæ pio
Te ritu canit, et colit.
_
A nobis ábigas lúbrica gáudia,
Tu, qui Martýribus dexter ades, Deus
Une et Trine: tuis da fámulis jubar,
Quo clemens ánimos beas.
Amen.
