[Hymnus Vespera]
v. Regáli sólio fortis Ibériæ,
Hermenegílde, jubar, glória Mártyrum,
Christi quos amor almis
Cæli cœ́tibus ínserit.
_
Ut perstas pátiens, pollícitum Deo
Servans obséquium! quo pótius tibi
Nil propónis, et arces
Cautus nóxia, quæ placent.
_
Ut motus cóhibes, pábula qui parant
Surgéntis vítii, non dúbios agens
Per vestígia gressus,
Quo veri via dírigit!
_
Sit rerum Dómino jugis honor Patri,
Et natum célebrent ora precántium,
Divinúmque suprémis
Flamen láudibus éfferant.
Amen.

[Oratio]
{(c3) De(h)us,(h) qui(h) be(h)á(h)tum(h) Her(h)me(h)ne(h)gíl(h)dum(h) Már(h)ty(h)rem(h) tu(h)um(h) cæ(h)lés(h)ti(h) re(h)gno(h) ter(h)ré(h)num(h) post(h)pó(h)ne(h)re(h) do(h)cu(h)ís(h)ti:(f.) †(,) da(h) quǽ(h)su(h)mus(h) no(h)bis;(h) e(h)jus(h) ex(h)ém(h)plo(h) ca(h)dú(h)ca(g) de(f)spí(h)ce(hr)re,(h.) *(;) at(h)que(h) æ(h)tér(h)na(h) sec(h)tá(h dr)ri.(d.) (::)}
$Per Dominum

[Hymnus Laudes_]
v. Nullis te génitor blandítiis trahit,
Non vitæ cáperis dívitis ótio,
Gemmarúmve nitóre,
Regnandíve cupídine.
_
Diris non ácies te gládii minis,
Nec terret périmens carníficis furor:
Nam mansúra cadúcis
Præfers gáudia cǽlitum.
_
Nunc nos e Súperum prótege sédibus
Clemens, atque preces, dum cánimus tua
Quæsítam nece palmam,
Pronis áuribus éxcipe.
_
Sit rerum Dómino jugis honor Patri,
Et Natum célebrent ora precántium,
Divinúmque suprémis
Flamen láudibus éfferant.
Amen.
