[Hymnus Vespera]
v. Sédibus cæli nítidis recéptos
Dícite athlétas géminos, fidéles;
Slávicæ duplex columen decúsque
Dícite gentis.
_
Hos amor fratres sociávit unus,
Unaque abdúxit píetas erémo,
Ferre quo multis célerent beátæ
Pígnora vitæ.
_
Luce, quæ templis súperis renídet,
Búlgaros complent, Móravos, Bohémos;
Mox feras turmas numerósa Petro
Agmina ducunt.
_
Débitam cincti méritis corónam,
Pérgite o flecti lácrimis precántum;
Prisca vos Slavis opus est datóres 
Dona túeri.
_
Quæque vos clamat generósa tellus
Servet ætérnæ fídei nitórem:
Quæ dedit princeps, dabit ipsa semper
Roma salútem.
_
Gentis humánæ Sator et Redémptor,
Qui bonus nobis bona cuncta præbes,
Sint tibi grates, tibi sit per omne
Glória sæclum.
Amen.

[Versum 1]
{initial-style:0;%%(c3) V/. Sa(h)cer(h)dó(h)tes(h) tu(h)i(h) ind(h)u(h)án(h)tur(h) jus(h)tí(h)ti(h)am.(g_'/hvGF'E!fgf.) (::)
R/. Et(h) Sanc(h)ti(h) tu(h)i(h) ex(h)súl(h)tent.(g_'/hvGF'E!fgf.) (::)}

[Ant 1]
O quam speciósi pedes * evangelizántium pacem, evangelizántium bona, dicéntium Sion: Regnábit Deus tuus.

[Oratio]
{(c3) Om(h)ní(h)pot(h)ens(h) sem(h)pi(h)tér(h)ne(h) De(h)us,(h) qui(h) Sla(h)vó(h)ni(h)æ(h) gen(h)tes(h) per(h) be(h)á(h)tos(h) Con(h)fes(h)só(h)res(h) tu(h)os(h) at(h)que(h) Pon(h)tí(h)fi(h)ces(h) Cy(h)ríl(h)lum(h) et(h) Me(h)thó(h)di(h)um(h) ad(h) a(h)gni(h)ti(h)ó(h)nem(h) tu(h)i(h) nó(h)mi(h)nis(h) ve(h)ní(h)re(h) tri(h)bu(h)ís(h)ti:(f.) †(,) præ(h)sta;(h) ut,(h) quo(h)rum(h) fes(h)ti(h)vi(h)tá(h)te(h) glo(g)ri(f)á(h hr)mur,(h.) *(;) e(h)ó(h)rum(h) con(h)sór(h)ti(h)o(h) co(h)pu(h)lé(h dr)mur.(d.) (::)}
$Per Dominum.

[Hymnus Laudes]
v. Lux o decóra pátriæ
Slavísque amíca géntibus,
Salvéte, fratres: ánnuo
Vos efferémus cántico.
_
Quos Roma plaudens éxcipit,
Compléxa mater fílios,
Auget coróna prǽsulum
Novóque firmat róbore.
_
Terras ad usque bárbaras
Inférre Christum pérgitis;
Quot vanus error lúserat,
Almo replétis lúmine.
_
Noxis solúta péctora
Ardor supérnus ábripit;
Mutátur horror véprium
In sanctitátis flósculos.
_
Et nunc seréna cǽlitum
Locáti in aula, súpplici
Adéste voto: Slávicas
Serváte gentes Númini.
_
Erróre mersos únicum
Ovíle Christi cóngreget;
Factis avítis ǽmula
Fides viréscat púlchrior.
_
Tu nos, beáta Trínitas,
Cælésti amóre cóncita,
Patrúmque natos ínclita.
Da pérsequi vestígia.
Amen.

[Versum 2]
{initial-style:0;%%(c3) V/. Sa(h)pi(h)én(h)ti(h)am(h) Sanc(h)tó(h)rum(h) nar(h)rent(h) pó(h)pu(h)li.(g_'/hvGF'E!fgf.) (::)
R/. Et(h) lau(h)dem(h) e(h)ó(h)rum(h) nún(h)ti(h)et(h) Ec(h)clé(h)si(h)a.(g_'/hvGF'E!fgf.) (::)}

[Ant 2]
In sanctitáte * et justítia serviérunt Dómino ómnibus diébus suis: ídeo stolam glóriæ índuit illos Dóminus, Deus Israël.

[Ant 3]
Isti sunt * viri sancti facti amíci Dei, divínæ veritátis præcónio gloriósi: linguæ eórum claves cæli factæ sunt.
