[Hymnus Vespera]
v. Gentis Polónæ glória,
Cleríque splendor nóbilis,
Decus Lycǽi, et pátriæ
Pater, Joánnes ínclite.
_
Legem supérni Núminis
Doces magíster, et facis.
Nil scire prodest: sédulo
Legem nitámur éxsequi.
_
Apostolórum límina
Pedes viátor vísitas; 
Ad pátriam, ad quam téndimus,
Gressus viámque dírige.
_
Urbem petis Jerúsalem:
Signáta sacra Sánguine
Christi colis vestígia
Rigásque fusis flétibus.
_
Acérba Christi vúlnera,
Hæréte nostris córdibus,
Ut cogitémus cónsequi
Redemptiónis prétium.
_
Te prona mundi máchina,
Clemens, adoret, Trínitas,
Et nos novi per grátiam
Novum canámus cánticum.
Amen.

[Oratio]
{(c3) Da,(h) quǽ(h)su(h)mus,(h) om(h)ní(h)pot(h)ens(h) De(h)us:(f.) †(,) ut,(h) sanc(h)ti(h) Jo(h)án(h)nis(h) Con(h)fes(h)só(h)ris(h) ex(h)ém(h)plo(h) in(h) sci(h)én(h)ti(h)a(h) Sanc(h)tó(h)rum(h) pro(h)fi(h)ci(h)én(h)tes,(h) at(h)que(h) á(h)li(h)is(h) mi(h)se(h)ri(h)cór(h)di(h)am(h) ex(g)hi(f)bén(h hr)tes;(h.) *(;) e(h)jus(h) mé(h)ri(h)tis,(h) in(h)dul(h)gén(h)ti(h)am(h) a(h)pud(h) te(h) con(h)se(h)quá(h dr)mur.(d.) (::)}
$Per Dominum

[Hymnus Matutinum]
v. Corpus domas jejúniis,
Cædis cruénto vérbere,
Ut castra pœniténtium
Miles sequáris ínnocens.
_
Sequámur et nos sédulo
Gressus paréntis óptimi,
Sequámur, ut licéntiam
Carnis refrénet spíritus.
_
Rigénte bruma, próvidum
Præbes amíctum páuperi,
Sitim famémque egéntium
Esca potúque súblevas.
_
O qui negásti némini
Opem rogánti, pátrium
Regnum tuére, póstulant
Cives Polóni et éxteri.
_
Sit laus Patri, sit Fílio,
Tibíque, Sancte Spíritus;
Preces Joánnis ímpetrent
Beáta nobis gáudia.
Amen.

[Hymnus Laudes]
v. Te deprecánte, córporum
Lues recédit, ímprobi
Morbi fugántur, prístina
Rédeunt salútis múnera.
_
Phthisi febríque et úlcere
Diram redáctos ad necem,
Sacrátas morti víctimas,
Ejus rapis e fáucibus.
_
Te deprecánte, túmido
Merces abáctæ flúmine,
Tractæ Dei poténtia,
Sursum fluunt retrógradæ.
_
Cum tanta possis, sédibus
Cæli locátus, póscimus:
Respónde votis súpplicum,
Et invocátus súbveni.
_
O una semper Trínitas,
O trina semper Únitas:
Da, supplicánte Cántio,
Ætérna nobis prǽmia. 
Amen.
