[Ant Matutinum 3N]
Adórna * thálamum tuum, Sion, et súspice Regem Christum: † quem Virgo post partum, quem génuit, adorávit.

[Responsory4]
R. Suscépimus Deus misericórdiam tuam in médio templi tui: † secúndum nomen tuum, Deus, sic et laus tua in fines terræ:
* Justítia plena est déxtera tua.
V. Lætétur mons Sion, et exsúltent fíliæ Judæ: propter judícia tua, Dómine.
R. Justítia plena est déxtera tua.

[Responsory8]
R. Nunc dimíttis servum tuum, Dómine, secúndum verbum tuum in pace:
* Quia vidérunt óculi mei salutáre tuum.
V. Lumen ad revelatiónem Géntium, et glóriam plebis tuæ Israël.
R. Quia vidérunt óculi mei salutáre tuum.

[Responsory11]
R. Hódie María Virgo púerum offert in templo, † quem Símeon senex accépit in mánibus:
* Et Anna vídua Christum agnóvit advenísse in terris.
V. Cum indúcerent púerum Jesum paréntes ejus in templum, † accépit eum Símeon in ulnas suas.
R. Et Anna vídua Christum agnóvit advenísse in terris.
