[AntMatutinumM]
Ecce, * nubes lúcida obumbrávit eos: patérna vos audíta est: † Hic est Fílius meus.;;45
Petrus * et qui cum illo præséntes erant, Christo lætificáti, † vidére glóriam Dei.;;46
Respóndens Petrus, * ait ad Jesum: † Dómine si vis faciámus hic tria tabernácula.;;47

[Ant Matutinum 3N]
Hódie ad patris vocem, transfiguráto Dómino, Moyses et Elías affluérunt spléndidi, † excéssum ejus, quem completúrus erat, loquéntes.

[Responsory4]
R. Assúmpsit Jesus Petrum, et Jacóbum, et Joánnem fratrem ejus; 
* In montem excélsum seórsum ascéndens, ibi se transfigúrans, † suæ glóriæ claritátem eis osténdit.
V. Ne vidéntes ejus passiónem turbaréntur, sed fortióri soliditáte firmaréntur.
R. In montem excélsum seórsum ascéndens, ibi se transfigúrans, † suæ glóriæ claritátem eis osténdit.

[Responsory8]
R. Assúmptis hódie Dóminus Jesus tribus discípulis, montem, ut oráret, súbiit excélsum solus, † et orans coram eis transfigurátus est, faciésque ejus ut sol resplénduit 
* Ac vestiménta ejus ut nix facta sunt cándida.
V. Ut autem testimónium habéret a lege et prophétis, † hinc inde Móyses et Elías visi sunt in majestáte.
R. Ac vestiménta ejus ut nix facta sunt cándida.

[Responsory11]
R. Descendéntibus illis de monte præcépit Jesus dicens: † Némini dixéritis visiónem quam vidístis 
* Donec Fílius hóminis a mórtuis resúrgat.
V. Ne mors ejus áliquo modo impedirétur, † si hæc vísio in pópulo statim divularétur.
R. Donec Fílius hóminis a mórtuis resúrgat.

[Responsory12]
R. Dum orásset Dóminus, facta est spécies vultus ejus áltera, † et vestítus ejus albus ac refúlgens: 
* Et duo viri loquebántur cum illo, † Móyses et Elías visi in majestáte.
V. Dicébant autem excéssum ejus, quem completúrus erat in Jerúsalem.
R. Et duo viri loquebántur cum illo, † Móyses et Elías visi in majestáte.
