[Ant 1]
Adonái, Dómine, * Deus magne et mirábilis, qui dedísti salútem in manu féminæ, exáudi preces servórum tuórum.

[Responsory1]
R. Adonái, Dómine, Deus magne et mirábilis, qui dedísti salútem in manu féminæ,
* Exáudi preces servórum tuórum.
V. Benedíctus es, Dómine, qui non derelínquis præsuméntes de te, et de sua virtúte gloriántes humílias.
R. Exáudi preces servórum tuórum.

[Responsory3]
R. Benedícat te Dóminus in virtúte sua, qui per te ad níhilum redégit inimícos nostros: 
* Ut non defíciat laus tua de ore hóminum.
V. Benedíctus Dóminus qui creávit cælum et terram; quia hódie nomen tuum ita magnificávit.
R. Ut non defíciat laus tua de ore hóminum.
&Gloria
R. Ut non defíciat laus tua de ore hóminum.

[Responsory4]
R. Nos álium Deum nescímus præter Dóminum, in quo sperámus: 
* Qui non déspicit nos, nec ámovet salútem suam a génere nostro.
V. Indulgéntiam ipsíus fusis lácrimis postulémus, et humiliémus illi ánimas nostras.
R. Qui non déspicit nos, nec ámovet salútem suam a génere nostro.

[Responsory5]
R. Dominátor, Dómine, cælórum et terræ, Creátor aquárum, Rex univérsæ creatúræ: 
* Exáudi oratiónem servórum tuórum.
V. Tu, Dómine, cui humílium semper et mansuetórum plácuit deprecátio.
R. Exáudi oratiónem servórum tuórum.

[Responsory6]
R. Dómine Deus, qui cónteris bella ab inítio, éleva brácchium tuum super gentes, quæ cógitant servis tuis mala: 
* Et déxtera tua glorificétur in nobis.
V. Allíde virtútem eórum in virtúte tua; cadat robur eórum in iracúndia tua.
R. Et déxtera tua glorificétur in nobis.
&Gloria
R. Et déxtera tua glorificétur in nobis.

[Responsory7]
R. Confórta me, Rex, Sanctórum principátum tenens: 
* Et da sermónem rectum et bene sonántem in os meum.
V. Dómine, Rex univérsæ potestátis, convérte consílium eórum super eos.
R. Et da sermónem rectum et bene sonántem in os meum.
