[Responsory1]
R. Dum deambuláret Dóminus in paradíso ad auram post merídiem, clamávit, et dixit: Adam, ubi es? Audívi, Dómine, vocem tuam, 
* Et abscóndi me.
V. Vocem tuam audívi in paradiso, et tímui, eo quod nudus essem.
R. Et abscóndi me.

[Responsory2]
R. In sudore vultus tui vescéris pane tuo, dixit Dóminus ad Adam: cum operátus fueris terram, non dabit fructus suos: 
* Sed spinas et tribulos germinábit tibi.
V. Quia audísti vocem uxoris tuæ, et comedísti de ligno, ex quo præcéperam tibi ne coméderes, maledicta terra in opere tuo.
R. Sed spinas et tribulos germinábit tibi.

[Ant 3]
Hi novíssimi * una hora fecérunt, et pares illos nobis fecísti, qui portávimus pondus diéi, et æstus.
