[Responsory4]
R. Vos, qui in túrribus estis aperíte portas: † Dóminus omnípotens fecit virtútem
* Et victóriam dedit de inimícis nostris.
V. Laudáte Dóminum Deum nostrum qui non deséruit sperántes in se.
R. Et victóriam dedit de inimícis nostris.

[Responsory5]
R. Nos álium Deum nescímus præter Dóminum, in quo sperámus:
* Qui non déspicit nos, nec ámovet salútem suam a génere nostro.
V. Indulgéntiam ipsíus fusis lácrimis postulémus, † et humiliémus illi ánimas nostras.
R. Qui non déspicit nos, nec ámovet salútem suam a génere nostro.

[Responsory6]
R. Dominátor, Dómine, cælórum et terræ, † Creator aquárum, Rex univérsæ creaturæ:
* Exáudi oratiónem servórum tuórum.
V. Tu, Dómine, cui humílium semper et mansuetórum plácuit deprecátio.
R. Exáudi oratiónem servórum tuórum.

[Responsory11]
R. Laudáte Dóminum Deum nostrum, † qui non deséruit sperántes in se et in me adimplévit misericórdiam suam,
* Quam promísit domui Israël.
V. Confitémini illi quóniam bonus, quóniam in sǽculum misericórdia ejus.
R. Quam promísit domui Israël.
