[Ant Matutinum 3N]
Hosánna * fílio David: † benedíctus, qui venit in nómine Dómini, Rex Israël: † Hosánna in excélsis.;;269;270;271

[Responsory4]
R. Viri ímpii dixérunt: Opprimámus virum justum injúste, et deglutiámus eum tamquam inférnus vivum: † auferámus memóriam illíus de terra: et de spóliis ejus sortem mittámus inter nos: † ipsi enim homicídæ thesaurizavérunt sibi mala.
* Insipiéntes et malígni odérunt sapiéntiam: † et rei facti sunt in cogitatiónibus suis.
V. Hæc cogitavérunt, et erravérunt: † et excæcávit illos malítia eórum.
R. Insipiéntes et malígni odérunt sapiéntiam: † et rei facti sunt in cogitatiónibus suis.
&Gloria
R. Viri ímpii dixérunt: Opprimámus virum justum injúste, et deglutiámus eum tamquam inférnus vivum: † auferámus memóriam illíus de terra: et de spóliis ejus sortem mittámus inter nos: † ipsi enim homicídæ thesaurizavérunt sibi mala. * Insipiéntes et malígni odérunt sapiéntiam: † et rei facti sunt in cogitatiónibus suis.

[Responsory8]
R. Oppróbrium factus sum nimis inimícis meis: † vidérunt me, et movérunt cápita sua:
* Adjuva me, Dómine, Deus meus.
V. Locúti sunt advérsum me lingua dolósa, † et sermónibus odii circumdedérunt me.
R. Adjuva me, Dómine, Deus meus.
&Gloria
R. Oppróbrium factus sum nimis inimícis meis: † vidérunt me, et movérunt cápita sua: * Adjuva me, Dómine, Deus meus.

[Responsory12]
R. Cum audísset pópulus, quia Jesus venit Jerosólymam, exiérunt óbviam ei. † Plúrima autem turba stravérunt vestiménta sua in via: † álii ramos de arbóribus sternébant et clamábant:
* Hosánna fílio David: benedíctus, qui venit in nómine Dómini.
V. Turbæ autem, quæ præcedébant, et quæ sequebántur, voce magna clamábant.
R. Hosánna fílio David: benedíctus, qui venit in nómine Dómini.
&Gloria
R. Cum audísset pópulus, quia Jesus venit Jerosólymam, exiérunt óbviam ei. † Plúrima autem turba stravérunt vestiménta sua in via: † álii ramos de arbóribus sternébant et clamábant: * Hosánna fílio David: benedíctus, qui venit in nómine Dómini.

[Evangelium]
Sequéntia ++ sancti Evangélii secúndum Matthǽum.
!Matt 21:1-9
In illo témpore: Cum appropinquásset Jesus Jerosólymis, et venísset Béthphage ad montem Olivéti: tunc misit duos discípulos suos, dicens eis: Ite in castéllum, quod contra vos est, et statim inveniétis ásinam alligátam et pullum cum ea: sólvite et addúcite mihi: et si quis vobis áliquid dixerit, dícite, quia Dóminus his opus habet, et conféstim dimíttet eos. Hoc autem totum factum est, ut adimplerétur, quod dictum est per Prophétam, dicéntem: Dícite fíliæ Sion: Ecce, Rex tuus venit tibi mansuétus, sedens super ásinam et pullum, fílium subjugális. Eúntes autem discípuli, fecérunt, sicut præcépit illis Jesus. Et adduxérunt ásinam et pullum: et imposuérunt super eos vestiménta sua, et eum désuper sedére tecérunt. Plúrima autem turba stravérunt vestiménta sua in via: álii autem cædébant ramos de arbóribus, et sternébant in via: turbæ autem, quæ præcedébant et quæ sequebántur, clamábant, dicéntes: Hosánna fílio David: benedíctus, qui venit in nómine Dómini.
