@CommuneOP/C1

[Ant 1]
Ecce ego Joánnes vidi óstium apértum in cælo, et ecce sedes pósita erat in eo, et in médio sedis et in circúitu ejus quátuor animália plena óculis ante et retro: et dabant glóriam et honórem et benedictiónem sedénti super thronum, vivénti in sæcula sæculórum.

[Invit]
Regem Evangelistárum Dóminum, * Veníte, adorémus.

[Capitulum Laudes]
!Sir 15:1-2
v. Qui timet Deum, fáciet bona: et qui cóntinens est justítiæ, apprehéndet illam, et obviábit illi quasi mater honorificáta.
$Deo gratias

[Ant 2]
In médio et in circúitu sedis Dei quátuor animália senas alas habéntia, óculis úndique plena, non cessant nocte ac die dicere: Sanctus, Sanctus, Sanctus Dóminus Deus omnipotens, qui erat, et qui est, et qui ventúrus est.

[Capitulum Sexta]
!Sir 15:3
v. Cibávit illum pane vitæ et intelléctus, et aqua sapiéntiæ salutáris potávit illum Dóminus, Deus noster.
$Deo gratias

[Capitulum Nona]
!Sir 15:5
v. In médio Ecclésiæ apéruit os ejus, et implévit illum Dóminus spíritu sapiéntiæ et intelléctus, et stolam glóriæ índuit eum.

[Ant 3]
Tua sunt hæc, Christe, ópera, qui Sanctos tuos ita gloríficas, ut étiam dignitátis grátia in eis futúræ præíre mirácula fácias: tu insignes Evangélii prædicatóres animálium cæléstium admirábili figúra præsignásti: his namque cæléste munus collátum gloriósis indíciis es dignátus osténdere: hinc laus, hinc glória tibi résonet in sæcula.
