12:1 Úsquequo, Dómine, obliviscéris me in finem? * Úsquequo avértis fáciem tuam a me?
12:2 Quámdiu ponam consília in ánima mea, * dolórem in corde meo per diem?
12:3 Úsquequo exaltábitur inimícus meus super me? * (4a) réspice, et exáudi me, Dómine, Deus meus.
12:4b Illúmina óculos meos ne umquam obdórmiam in morte: * (5a) nequándo dicat inimícus meus: Præválui advérsus eum.
12:5b Qui tríbulant me, exsultábunt si motus fúero: * (6a) ego autem in misericórdia tua sperávi.
12:6b Exsultábit cor meum in salutári tuo: † cantábo Dómino qui bona tríbuit mihi: * et psallam nómini Dómini altíssimi.
