125:1 In converténdo Dóminus captivitátem Sion: * facti sumus sicut consoláti:
125:2a Tunc replétum est gáudio os nostrum: * et lingua nostra exsultatióne.
125:2b Tunc dicent inter gentes: * Magnificávit Dóminus fácere cum eis.
125:3 Magnificávit Dóminus fácere nobíscum: * facti sumus lætántes.
125:4 Convérte, Dómine, captivitátem nostram, * sicut torrens in Austro.
125:5 Qui séminant in lácrimis, * in exsultatióne metent.
125:6a Eúntes ibant et flebant, * mitténtes sémina sua.
125:6b Veniéntes autem vénient cum exsultatióne, * portántes manípulos suos.
