02-29# Ex Régula Sancti Patri Nostri Benedícti. Caput 23: De excommunicatióne culpárum 
_
Si quis frater cóntumax aut inobœ́diens aut supérbus aut múrmurans vel in áliquo contrárius sanctæ régulæ et præcéptis seniórum suórum contémptor repértus fúerit, hic secúndum Dómini nostri præcéptum admoneátur semel et secúndo secréte a senióribus suis. Si non emendáverit, objurgétur públice coram ómnibus. Si vero neque sic corréxerit, si intélligit qualis pœna sit, excommunicatióni subjáceat; sin autem ínprobus est, vindíctæ corporáli subdátur. 
