[Officium]
S. Agnetis Virginis et Martyris

[Rank]
;;Duplex;;3;;vide C6-1
(sed rubrica 1930)
;;Duplex majus;;4;;ex C6-1
(sed rubrica Barroux)
;;Duplex majus;;5;;vide C6-1
(sed rubrica cisterciensis)
;;Semiduplex;;2.2;;vide C6-1

[Rule]
vide C6-1;
9 lectiones
Psalm5 Vespera=116
Psalm5 Vespera3=147
in 1 Nocturno Lectiones ex Commune in 2 loco

[Ant Vespera]
@:Ant Laudes

[Ant 1]
Beáta Agnes * in médio flammárum expánsis mánibus orábat: Te déprecor, omnípotens, adoránde, colénde, Pater metuénde, quia per sanctum Fílium tuum evási minas sacrílegi tyránni, et carnis spurcítias immaculáto calle transívi: et ecce vénio ad te, quem amávi, quem quæsívi, quem semper optávi.

[Oratio]
Omnípotens sempitérne Deus, qui infírma mundi éligis, ut fórtia quæque confúndas: concéde propítius; ut, qui beátæ Agnétis Vírginis et Mártyris tuæ solémnia cólimus, ejus apud te patrocínia sentiámus.
$Per Dominum

[Ant Matutinum]
Discéde a me, * pábulum mortis, quia jam ab álio amatóre prævénta sum.;;1
Déxteram meam * et collum meum cinxit lapídibus pretiósis, trádidit áuribus meis inæstimábiles margarítas.;;2
Pósuit signum * in fáciem meam, ut nullum præter eum amatórem admíttam.;;3
Induit me Dóminus * cýclade auro texta, et imménsis monílibus ornávit me.;;4
Mel et lac * ex ejus ore suscépi, et sanguis ejus ornávit genas meas.;;5
Ipsi soli servo fidem, * ipsi me tota devotióne commítto.;;8
Cujus pulchritúdinem * sol et luna mirántur, ipsi soli servo fidem.;;14
Christus circúmdedit me * vernántibus atque coruscántibus gemmis pretiósis.;;44
Ipsi sum desponsáta, * cui Angeli sérviunt, cujus pulchritúdinem sol et luna mirántur.;;45

[Responsory1]
R. Diem festum sacratíssimæ Vírginis celebrémus, quáliter passa sit beáta Agnes ad memóriam revocémus: tertiodécimo ætátis suæ anno mortem pérdidit, et vitam invénit: 
* Quia solum vitæ diléxit auctórem.
V. Infántia quidem computabátur in annis, sed erat senéctus mentis imménsa.
R. Quia solum vitæ diléxit auctórem.

[Responsory2]
R. Déxteram meam et collum meum cinxit lapídibus pretiósis, trádidit áuribus meis inæstimábiles margarítas, 
* Et circúmdedit me vernántibus atque coruscántibus gemmis.
V. Pósuit signum in fáciem meam, ut nullum præter eum amatórem admíttam.
R. Et circúmdedit me vernántibus atque coruscántibus gemmis.

[Responsory3]
R. Amo Christum, in cujus thálamum introíbo, cujus mater virgo est, cujus pater féminam nescit, cujus mihi órgana modulátis vócibus cantant: 
* Quem cum amávero, casta sum; cum tetígero, munda sum; cum accépero, virgo sum.
V. Anulo fídei suæ subarrhávit me, et imménsis monílibus ornávit me.
R. Quem cum amávero, casta sum; cum tetígero, munda sum; cum accépero, virgo sum.
&Gloria
R. Quem cum amávero, casta sum; cum tetígero, munda sum; cum accépero, virgo sum.

[Lectio4]
Ex libro S. Ambrósii Epíscopi de Virgínibus
!Liber 1, post initium
Hódie natális est Vírginis, integritátem sequámur. Natális est Mártyris, hóstias immolémus. Natális est sanctæ Agnétis, miréntur viri, non despérent párvuli, stúpeant nuptæ, imiténtur innúptæ. Sed quid dignum ea loqui póssumus, cujus ne nomen quidem vácuum laudis est? Devótio supra ætátem, virtus supra natúram: ut mihi videátur non hóminis habuísse nomen, sed oráculum Mártyris, quod indicávit, quid esset futúra. Nomen Vírginis títulus est pudóris. Appellábo Mártyrem: prædicávi satis. Prolíxa laudátio est, quæ non quǽritur, sed tenétur. Nemo est laudabílior, quam qui ab ómnibus laudári potest. Quot hómines, tot præcónes, qui Mártyrem prædícant, dum loquúntur.

[Responsory4]
R. Induit me Dóminus vestiménto salútis, et induménto lætítiæ circúmdedit me: 
* Et tamquam sponsam decorávit me coróna.
V. Tradidit áuribus meis inæstimábiles margarítas, circúmdedit me vernántibus atque coruscántibus gemmis.
R. Et tamquam sponsam decorávit me coróna.

[Lectio5]
Hæc trédecim annórum martýrium fecísse tráditur. Quo detestabílior crudélitas quæ nec minúsculæ pepércit ætáti; immo magna vis fídei, quæ étiam ab illa testimónium invénit ætáte. Fuítne in illo corpúsculo vúlneri locus? Et quæ non hábuit quo ferrum recíperet, hábuit quo ferrum vínceret. Hæc inter cruéntas carníficum impávida manus, hæc stridéntium grávibus immóbilis tráctibus catenárum, nunc furéntis mucróni mílitis totum offérre corpus, mori adhuc néscia, sed paráta, vel si ad aras invíta raperétur, téndere Christo inter ignes manus, atque in ipsis sacrílegis focis trophǽum Dómini signáre victóris: nunc ferrátis colla manúsque ambas insérere néxibus. Sed nullus tam tenúia membra póterat nexus inclúdere. Novum martýrii genus! Nondum idónea pœnæ, et jam matúra victóriæ; certáre diffícilis, fácilis coronári: magistérium virtútis implévit, quæ præjudícium vehébat ætátis.

[Responsory5]
R. Mel et lac ex ejus ore suscépi, 
* Et sanguis ejus ornávit genas meas.
V. Osténdit mihi thesáuros incomparábiles, quos mihi se datúrum repromísit.
R. Et sanguis ejus ornávit genas meas.

[Lectio6]
Non sic ad thálamum nupta properáret, ut ad supplícii locum, læta succéssu, gradu festína Virgo procéssit. Flere omnes, ipsa sine fletu. Mirári pleríque, quod tam fácile vitæ suæ pródiga, quam nondum háuserat, jam quasi perfúncta donáret. Stupére univérsi, quod jam divinitátis testis exsísteret, quæ adhuc árbitra sui per ætátem esse non posset. Quanto terróre egit cárnifex ut timerétur, quantis blandítiis ut suadéret, quantórum vota, ut sibi ad núptias proveníret! At illa: Et hæc Sponsi injúria est, inquit, exspectáre placitúram. Qui me sibi prior elégit, accípiet: quid, percússor, moráris? Péreat corpus, quod amári potest óculis, quibus nolo. Stetit, orávit, cervícem infléxit. Cérneres trepidáre carníficem, quasi ipse addíctus fuísset, trémere percussóris déxteram, pallére ora aliéno timéntis perículo, cum puélla non timéret suo. Habétis ígitur in una hóstia duplex martýrium, pudóris et religiónis. Et virgo permánsit, et martýrium obtínuit.

[Responsory6]
R. Jam corpus ejus córpori meo sociátum est, et sanguis ejus ornávit genas meas:
* Cujus mater virgo est, cujus pater féminam nescit.
V. Ipsi sum desponsáta, cui Angeli serviunt, cujus pulchritúdinem sol et luna mirántur.
R. Cujus mater virgo est, cujus pater féminam nescit.
&Gloria
R. Cujus mater virgo est, cujus pater féminam nescit.

[Lectio94]
Ex libro S. Ambrósii Epíscopi de Virgínibus
!Liber 1, post initium
Hódie natális est Vírginis, integritátem sequámur. Natális est Mártyris, hóstias immolémus. Natális est sanctæ Agnétis, miréntur viri, non despérent párvuli, stúpeant nuptæ, imiténtur innúptæ. Sed quid dignum ea loqui póssumus, cujus ne nomen quidem vácuum laudis est? Devótio supra ætátem, virtus supra natúram: ut mihi videátur non hóminis habuísse nomen, sed oráculum Mártyris, quod indicávit, quid esset futúra. Nomen Vírginis títulus est pudóris. Appellábo Mártyrem: prædicávi satis. Prolíxa laudátio est, quæ non quǽritur, sed tenétur. Nemo est laudabílior, quam qui ab ómnibus laudári potest. Quot hómines, tot præcónes, qui Mártyrem prǽdicant, dum loquúntur. Hæc trédecim annórum martýrium fecísse tráditur. Quo destabílior crudélitas quæ nec minúsculæ pepércit ætáti; immo magna vis fídei, quæ étiam ab illa testimónium invénit ætáte.
&teDeum

[Responsory7]
R. Ipsi sum desponsáta, cui Angeli serviunt, cujus pulchritúdinem sol et luna mirántur:
* Ipsi soli servo fidem, ipsi me tota devotióne commítto.
V. Déxteram meam et collum meum cinxit lapídibus pretiósis, trádidit áuribus meis inæstimábiles margarítas.
R. Ipsi soli servo fidem, ipsi me tota devotióne commítto.

[Responsory8]
R. Omnípotens, adoránde, colénde, treménde, benedíco te,
* Quia per Fílium tuum unigénitum evási minas hóminum impiórum, et spurcítias diáboli impollúto calle transívi.
V. Te confíteor lábiis te corde, te totis viscéribus concupísco.
R. Quia per Fílium tuum unigénitum evási minas hóminum impiórum, et spurcítias diáboli impollúto calle transívi.
&Gloria
R. Quia per Fílium tuum unigénitum evási minas hóminum impiórum, et spurcítias diáboli impollúto calle transívi.

[Versum 0]
@Commune/C6::s/N\./Agnes/

[Ant Laudes]
Ingréssa Agnes * turpitúdinis locum, Angelum Dómini præparátum invénit.
Mecum enim hábeo * custódem córporis mei, Angelum Dómini.
Anulo suo * subarrhávit me Dóminus meus Jesus Christus, et tamquam sponsam decorávit me coróna.
Benedíco te, * Pater Dómini mei Jesu Christi, quia per Fílium tuum ignis exstínctus est a látere meo.
Congaudéte mecum * et congratulámini, quia cum his ómnibus lúcidas sedes accépi.

[Capitulum Laudes]
@Commune/C7

[Ant 2]
Ecce, quod concupívi, * jam vídeo: quod sperávi, jam téneo: ipsi sum juncta in cælis, quem in terris pósita, tota devotióne diléxi.

[Capitulum Sexta]
!Sir 51:4-5
v. Liberásti me secúndum multitúdinem misericórdiæ nóminis tui a rugiéntibus, præparátis ad escam, de mánibus quæréntium ánimam meam, et de multis tribulatiónibus quæ circumdedérunt me.
$Deo gratias

[Capitulum Nona]
!Sir 51:8; 51:12
v. Laudábit usque ad mortem ánima mea Dóminum, quóniam éruis sustinéntes te, et líberas eos de manu angústiæ, Dómine, Deus noster.
$Deo gratias

[Ant 3]
Stans beáta Agnes * in médio flammæ, expánsis mánibus orábat ad Dóminum: Omnípotens, adoránde, colénde, treménde, benedíco te, et glorífico nomen tuum in ætérnum.
