[Officium]
S. Joannis Apostoli ante Portam Latinam

[Rank]
;;Duplex majus;;4;;ex C1
(sed rubrica cisterciensis)
;;Duplex;;2.2;;ex C1

[Rule]
ex C1;
9 lectiones
StJamesRule=Joannes|Apo

[Ant 1]
In ferventis * ólei dolium missus beátus Joánnes Apóstolus, divina se protegénte grátia, illæsus exívit, allelúja.

[Oratio]
Deus, qui conspicis, quia nos undique mala nostra perturbant: præsta, quǽsumus; ut beáti Joánnis Apóstoli tui et Evangelistæ intercéssio gloriósa nos prótegat.
$Per Dominum

[Lectio1]
@Sancti/12-27

[Lectio2]
@Sancti/12-27

[Lectio3]
@Sancti/12-27

[Lectio4]
Ex libro sancti Hierónymi Presbýteri contra Jovinianum.
!Liber 1, n. 26
Joánnes Apóstolus, unus ex discípulis Dómini, qui mínimus natu tráditur fuísse inter Apóstolos, et quem fides Christi vírginem repérerat, virgo permánsit; et ídeo plus amátur a Dómino, et recúmbit super pectus Jesu; et, quod Petrus, qui uxórem habúerat, interrogáre non audet, illum rogat, ut intérroget; et post resurrectiónem, nuntiánte María Magdaléne quod Dóminus resurrexísset, utérque cucúrrit ad sepúlcrum, sed ille prævénit; cumque essent in navi, et piscaréntur in lacu Genésareth, Jesus stabat in líttore, nec sciébant Apóstoli quem vidérent; solus virgo Vírginem agnóscit, et dicit Petro: Dóminus est.

[Lectio5]
Fuit autem Joánnes et Apóstolus, et Evangelísta, et Prophéta: Apóstolus, quia scripsit ad ecclésias ut magíster; Evangelísta, quia librum Evangélii cóndidit, quod, excépto Matthǽo, álii ex duódecim Apóstoli non fecérunt; Prophéta, vidit enim in Patmos ínsula, in qua fúerat a Domitiáno príncipe ob Dómini martýrium relegátus, Apocalýpsim, infiníta futurórum mystéria continéntem. Refert autem Tertulliánus, quod Romæ missus in fervéntis ólei dólium, púrior et vegétior exíverit, quam intráverit.

[Lectio6]
Sed et ipsum ejus Evangélium multum distat a céteris. Matthǽus quasi de hómine íncipit scríbere: Liber generatiónis Jesu Christi, fílii David, fílii Abraham; Lucas a sacerdótio Zacharíæ; Marcus a prophetía Malachíæ et Isaíæ. Primus habet fáciem hóminis, propter genealogíam; secúndus fáciem vítuli, propter sacerdótium; tértius fáciem leónis, propter vocem clamántis in desérto, Paráte viam Dómini, rectas fácite sémitas ejus. Joánnes vero noster quasi áquila ad supérna volat, et ad ipsum Patrem pervénit, dicens: In princípio erat Verbum, et Verbum erat apud Deum, et Deus erat Verbum.

[Lectio94]
Ex libro sancti Hierónymi Presbýteri contra Joviniánum
Joánnes Apóstolus, unus ex discípulis Dómini, qui mínimus natu tráditur fuísse inter Apóstolos, et quem fides Christi vírginem repérerat, virgo permánsit; et ídeo plus amátur a Dómino, et recúmbit super pectus Jesu; et, quod Petrus, qui uxórem habúerat, interrogáre non audet, illum rogat, ut intérroget; et post resurrectiónem, nuntiánte María Magdaléne quod Dóminus resurrexísset, utérque cucúrrit ad sepúlcrum, sed ille prævénit; cumque essent in navi, et piscaréntur in lacu Genésareth, Jesus stabat in líttore, nec sciébant Apóstoli quem vidérent; solus virgo Vírginem agnóscit, et dicit Petro: Dóminus est. Fuit autem Joánnes et Apóstolus, et Evangelísta, et Prophéta. Refert autem Tertulliánus, quod Romæ missus in fervéntis ólei dólium, púrior et vegétior exíverit, quam intráverit.
&teDeum

[Lectio7]
Léctio sancti Evangélii secúndum Matthǽum.
!Matt 20:20-23
In illo témpore: Accéssit ad Jesum mater filiórum Zebedǽi cum fíliis suis, adórans et petens áliquid ab eo. Et réliqua.
_
Homilía sancti Hierónymi Presbýteri.
!Liber 3 Comm. in Matth. c. 20.
Unde opiniónem regni habet mater filiórum Zebedǽi, ut cum Dóminus díxerit: Fílius hóminis tradétur princípibus sacerdótum et scribis, et condemnábunt eum morte, et tradent Géntibus ad illudéndum et flagellándum et crucifigéndum; et ignomíniam passiónis timéntibus discípulis nuntiáret, illa glóriam póstulet triumphántis? Hac, ut reor, ex causa, quia post ómnia díxerat Dóminus, Et tértia die resúrget; putávit eum múlier post resurrectiónem íllico regnatúrum, et hoc, quod in secúndo advéntu promíttitur, in primo esse compléndum; et, aviditáte femínea præséntia cupit, ímmemor futurórum.

[Lectio8]
Mater póstulat, et Dóminus discípulis lóquitur, intélligens preces ejus ex filiórum descéndere voluntáte. Potéstis bíbere cálicem, quem ego bibitúrus sum? Cálicem in Scriptúris divínis passiónem intellígimus, juxta illud: Pater, si possíbile est, tránseat a me calix iste; et in Psalmo: Quid retríbuam Dómino pro ómnibus quæ retríbuit mihi? Cálicem salutáris accípiam, et nomen Dómini invocábo. Statímque infert quis iste sit calix: Pretiósa in conspéctu Dómini mors Sanctórum ejus.

[Lectio9]
Quǽritur quómodo cálicem martýrii fílii Zebedǽi, Jacóbus vidélicet et Joánnes, bíberint; cum Scriptúra narret Jacóbum tantum Apóstolum ab Heróde cápite truncátum, Joánnes autem própria morte vitam finíerit. Sed, si legámus ecclesiásticas histórias, in quibus fertur, quod et ipse propter martýrium sit missus in fervéntis ólei dólium, et inde ad suscipiéndam corónam Christi athléta procésserit, statímque relegátus in Patmos ínsulam sit; vidébimus martýrio ánimum non defuísse, et bibísse Joánnem cálicem confessiónis, quem et tres púeri in camíno ignis bibérunt, licet persecútor non fúderit sánguinem.
&teDeum

[Ant 3]
@:Ant 1
