[Rank]
Beatæ Mariæ Virginis Reginæ;;Duplex II classis;;5.1;;ex C11

[Rank] (rubrica 196)
Beatæ Mariæ Virginis Reginæ;;Duplex II classis;;5;;ex C11

[Rule]
ex C11;
9 lectiones
Ipsa Virgo Virginum
Doxology=Nat
(rubrica 196)Antiphonas horas
(rubrica 196)Psalmi Dominica

[Versum 1]
V. Salve, Regína misericórdiæ. (Allelúja.)
R. Ex qua natus est Christus, Rex noster. (Allelúja.)

[Ant 1]
Beáta quæ credidísti, * quæ dicta sunt tibi a Dómino: cum Christo regnas in ætérnum. (Allelúja.)

[Oratio]
Concéde nobis, quǽsumus, Dómine: ut, qui solemnitátem beatæ Maríæ Vírginis Regínæ nostræ celebrámus; ejus muníti præsídio, pacem in præsénti et glóriam in futúro cónsequi mereámur.
$Per Dominum

[Invit]
Christum Regem, qui suam coronávit Matrem, * Veníte, adorémus. (Allelúja.)

[Hymnus Matutinum]
v. Rerum suprémo in vértice
Regína, Virgo, sísteris,
Exuberánter ómnium
Ditáta pulchritúdine.
_
Princeps opus formósior
Verbo creánti prǽnites,
Prædestináta Fílium,
Qui prótulit te, gígnere.
_
Ut Christus alta ab árbore
Rex purpurátus sánguine,
Sic passiónis párticeps,
Tu Mater es vivéntium.
_
Tantis decóra láudibus,
Ad nos ovántes réspice,
Tibíque sume grátulans
Quod fúndimus præcónium.
_
Jesu, tibi sit glória,
Qui natus es de Vírgine,
Cum Patre et almo Spíritu
In sempitérna sǽcula.
Amen.

[Ant Matutinum]
Benedicta tu * in muliéribus, et benedíctus fructus ventris tui. (Allelúja.);;8
Sicut myrrha * electa, odórem dedísti suavitátis, sancta Dei Génetrix. (Allelúja.);;18
Ante torum * hujus Vírginis frequentáte nobis dúlcia cántica drámatis. (Allelúja.);;23 (Allelúja.)
Spécie tua * et pulchritúdine tua inténde, próspere procéde, et regna. (Allelúja.);;44
Adjuvábit eam * Deus vultu suo: Deus in médio ejus, non commovébitur. (Allelúja.);;45
Sicut lætántium * ómnium nostrum habitátio est in te, sancta Dei Génetrix. (Allelúja.);;86 (Allelúja.)
Gaude, Maria Virgo: * cunctas hǽreses sola interemísti in univérso mundo. (Allelúja.);;95
Dignáre me * laudáre te, Virgo sacráta: da mihi virtútem contra hostes tuos. (Allelúja.);;96
Post partum, * Virgo, invioláta permansísti: Dei Génetrix, intercéde pro nobis. (Allelúja.);;97

[Nocturn 1 Versum]
@:Versum 1

[Nocturn 2 Versum]
V. Stabat juxta crucem Jesu Mater ejus. (Allelúja.)
R. In passióne sócia, totíus mundi Regína. (Allelúja.)

[Nocturn 3 Versum]
V. Beátam me dicent omnes generatiónes. (Allelúja.)
R. Quia fecit mihi magna qui potens est. (Allelúja.)

[Lectio1]
De libro Ecclesiástici
!Sir 24:5-11
5 Ego ex ore Altíssimi prodívi, primogénita ante omnem creatúram: 
6 ego feci in cælis ut orirétur lumen indefíciens, et sicut nébula texi omnem terram:
7 ego in altíssimis habitávi et thronus meus in colúmna nubis.
8 Gyrum cæli circuívi sola, et profúndum abýssi penetrávi, in flúctibus maris ambulávi,
9 et in omni terra steti: et in omni pópulo, 
10 et in omni gente primátum hábui:
11 et ómnium excelléntium et humílium corda virtúte calcávi: et in his ómnibus réquiem quæsívi, et in hereditáte Dómini morábor.

[Responsory1]
R. Beáta es, María, quæ credidísti Dómino: perfécta sunt in te quæ dicta sunt tibi.
* Ecce exaltáta es super choros Angelórum ad cæléstia regna.
V. Ave Maria, grátia plena, Dominus tecum.
R. Ecce exaltáta es super choros Angelorum ad cæléstia regna.

[Lectio2]
!Sir 24:14-16
14 Ab inítio, et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi. 
15 Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea.
16 Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.

[Responsory2]
R. Regálem dignitátem Vírginis Maríæ recolámus.
* Quia cum Christo regnat in ætérnum. (Allelúja.)
V. Glóriam Regínæ nostræ celebrémus.
R. Quia cum Christo regnat in ætérnum. (Allelúja.)

[Lectio3]
!Sir 24:24-30
24 Ego mater pulchræ dilectiónis, et timóris, et agnitiónis, et sanctæ spei.
25 In me grátia omnis viæ et veritátis: in me omnis spes vitæ et virtútis.
26 Transíte ad me, omnes qui concupíscitis me, et a generatiónibus meis implémini;
27 spíritus enim meus super mel dulcis, et heréditas mea super mel et favum.
28 Memória mea in generatiónes sæculórum.
29 Qui edunt me, adhuc esúrient, et qui bibunt me, adhuc sítient.
30 qui audit me non confundétur, et qui operántur in me non peccábunt: qui elúcidant me, vitam ætérnam habébunt.

[Responsory3]
R. Elégit eam Deus, et præelégit eam;
* Corónam glóriæ pósuit super caput ejus. (Allelúja.)
V. Et in tabernáculo suo habitáre fecit eam.
R. Corónam glóriæ pósuit super caput ejus. (Allelúja.)
&Gloria
R. Corónam glóriæ pósuit super caput ejus. (Allelúja.)

[Lectio4]
Sermo sancti Petri Canísii Presbýteri
!De Maria Deipara Virgine incomparabili, lib. 15, c. 13
Cur beatíssimam Vírginem Maríam Regínæ nómine, Damascénum, Athanásium aliósque secúti, non compellémus, cujus et pater David rex ínclitus, et fílius Rex regum Dominúsque dominántium sine fine ímperans, laudem in Scriptúris præstantíssimam tenent? Regína est ínsuper, si cum illis conferátur, quibus, véluti régibus, cæléste regnum cum Christo, Rege summo, cóntigit, útpote illíus coherédibus, et in eódem véluti throno, ut Scriptúra lóquitur, cum illo collocátis. Regína est étiam nulli electórum secúnda, sed simul Angelis et homínibus tanto præláta dígnius, quo nihil illa sublímius ac sánctius esse potest, quæ sola cum Deo Patre Fílium habet commúnem, et quæ supra se Deum et Christum tantum, infra se vero réliqua videt ómnia.

[Responsory4]
R. Súscipe verbum, Virgo María, quod tibi a Dómino transmíssum est:
* Ecce concípies et páries Deum páriter et hóminem. (Allelúja.)
V. Et Regína vocáberis super omnes gentes.
R. Ecce concípies et páries Deum páriter et hóminem. (Allelúja.)

[Lectio5]
Magnus Athanásius perspícue dixit: Maríam non modo Deíparam, sed étiam Regínam et Dóminam próprie veréque censéri, quandóquidem Christus ex ipsa matre Vírgine natus, Deus et Dominus idémque Rex máneat. De hac ígitur Regína dictum illud Psalmógraphi interpretátur: Adstitit Regína a dextris tuis in vestítu deauráto. Non ergo solum cæli, sed et cælórum Regína recte dicitur María, útpote mater Regis Angelórum, Regísque cælórum et amíca et sponsa. A te vero, augustíssima Regína, eadémque fidíssima Mater María, quam sine fructu pie nullus implórat, et cui mortáles omnes beneficiórum memória sempitérna devíncti sunt, étiam atque étiam reverénter oro et óbsecro, ut hoc qualecúmque observántiæ erga te meæ testimónium ratum et gratum habére velis, utque obláti múneris exiguitátem studiósa offeréntis voluntáte metíri ac tuo præpoténti Fílio comprobáre dignéris.

[Responsory5]
R. Ecce pósitus est hic in ruínam et resurrectiónem multórum,
* Et tuam ipsíus ánimam pertransíbit gládius. (Allelúja.)
V. Ave, Christi Mater, passiónis sócia, totíus mundi Regína.
R. Et tuam ipsíus ánimam pertransíbit gládius. (Allelúja.)

[Lectio6]
Ex Lítteris Encýclicis Pii Papæ duodécimi
!Encyclica « Ad cæli Regínam », diei 11 Octobris 1954
E Christiánæ vetustátis monuméntis, e litúrgicis précibus, ex índito christiáno pópulo religiónis sensu, ex opéribus arte conféctis, úndique collégimus voces quæ ásserunt Deíparam Vírginem regáli dignitáte præstáre; ratiónes étiam, quas sancta theología ex divínæ fídei thesáuro deducéndo ástruit, eándem veritátem prorsus confirmáre argúimus. Tot ex allátis testimóniis quasi latíssime résonans concéntus effícitur, qui extóllit régii honóris præcélsum fastígium Dei hominúmque Matris, cui cuncta creáta subsunt, quæ est: « exaltáta super choros Angelórum ad cæléstia regna ». Cum vero, matúro ponderatóque consílio, persuásum Nobis habeámus magna oritúra esse Ecclésiæ emoluménta, si quasi in suo candelábro rutilántior lucérna pósita, illa sólide probáta véritas maniféstior ómnibus refúlgeat, Apostólica Nostra Potestáte decérnimus et institúimus festum Maríæ Regínæ, quod toto terrárum orbe quotánnis die trigésimo primo mensis maji est celebrándum.

[Responsory6]
R. Signum magnum appáruit in cælo:
* Múlier amícta sole, et luna sub pédibus ejus, et in cápite ejus coróna stellárum duódecim. (Allelúja.)
V. Cujus Fílius regnat in ætérnum.
R. Múlier amícta sole, et luna sub pédibus ejus, et in cápite ejus coróna stellárum duódecim. (Allelúja.)
&Gloria
R. Múlier amícta sole, et luna sub pédibus ejus, et in cápite ejus coróna stellárum duódecim. (Allelúja.)

[Lectio7]
Léctio sancti Evangélii secúndum Lucam
!Luc 1:26-33
In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph de domo David, et nomen Vírginis María. Et réliqua.
_
Homilía sancti Bonaventúræ Epíscopi 
!Sermo de regia dignitate Beatæ Mariæ Virginis
Beáta María Virgo, summi Regis mater est per generósam conceptiónem, secúndum quod dícitur in verbo sibi dicto ab Angelo: Ecce inquit, concípies et páries fílium; et póstea: Dabit ei Dóminus sedem David patris ejus, et regnábit in domo Jacob in ætérnum, et regni ejus non erit finis. Ac si apérte dicat: Concípies et páries fílium Regem, in regáli sólio æternáliter residéntem, ac per hoc tamquam Mater Regis regnábis, et ut Regína in regáli sólio residébis. Si enim decet filium honórem matri dare, decet ut ei commúnicet thronum regálem; unde Virgo María, quia concépit eum, qui habet in fémore scriptum: Rex regum et Dóminus dominántium, statim ex quo concépit Fílium Dei, Regína fuit, non solum terræ, sed étiam cæli, quod designátum est in Apocalýpsi ubi dícitur: Signum magnum appáruit in cælo: múlier amícta sole, et luna sub pédibus ejus, et in cápite ejus coróna stellárum duódecim.

[Responsory7]
R. Ecce Virgo concípiet et páriet Fílium,
* Et vocábitur nomen ejus Admirábilis, Deus, Fortis. (Allelúja.)
V. Super sólium David et super regnum ejus sedébit in ætérnum.
R. Et vocábitur nomen ejus Admirábilis, Deus, Fortis. (Allelúja.)

[Lectio8]
María Regína est præclaríssima quantum ad glóriam, quod bene desígnat Prophéta in psalmo qui speciáliter est de Christo et Vírgine María, ubi primo dícitur de Christo: Sedes tua, Deus, in sǽculum sǽculi, et paulo post de Vírgine: Adstitit regína a dextris tuis, hoc est in potióribus bonis, quod quidem dictum est quantum ad glóriam mentis. Séquitur: In vestítu deauráto, in quo exprímitur vestítus gloriósæ immortalitátis, quem décuit habére Vírginem in sua Assumptióne. Absit enim ut vestiméntum illud quo opértus est Christus, quod étiam fuit perfécte sanctificátum in terra per Verbum incarnátum, fiat cibus vérmium. Sicut décuit Christum dare grátiam Matri suæ pleníssimam in sua Conceptióne, sic décuit tribúere pleníssimam glóriam in ipsíus Matris Assumptióne. Et ídeo tenéndum est quod Virgo, gloriósa in ánima et córpore, sédeat juxta Fílium.

[Responsory8]
R. Exaltáta es, sancta Dei Génetrix,
* Super choros Angelórum ad cæléstia regna. (Allelúja.)
V. Intercéde pro nobis ad Dóminum Jesum Christum.
R. Super choros Angelórum ad cæléstia regna. (Allelúja.)
&Gloria
R. Super choros Angelórum ad cæléstia regna. (Allelúja.)

[Lectio9]
María Regína est et dispensátrix grátiæ, quod designátum fuit in libro Esther, ubi dícitur: Parvus fons qui crevit in flúvium, et in lucem et solem convérsus est. Virgo Maria sub figura Esther comparátur diffusióni fontis et lúminis, propter diffusiónem grátiæ quantum ad dúplicem usum, actiónis licet et contemplatiónis. Grátia enim Dei, quæ est medicatíva géneris humáni, per ipsam ad nos descéndit quasi per aquædúctum, quia ad ipsam Vírginem pértinet dispensátio grátiæ non per modum princípii, sed per modum mériti. Mérito ígitur Virgo María est excellentíssima Regína in comparatiónem ad plebem, cum ímpetrat véniam, súperat pugnam, et distríbuit grátiam, et consequénter perdúcit ad glóriam.
&teDeum

[Versum 0]
@Sancti/08-15t:Versum 1

[Capitulum Laudes]
!Sir 24:5; 24:7
v. Ego ex ore Altíssimi prodívi, primogénita ante omnem creatúram; ego in altíssimis habitávi, et thronus meus in colúmna nubis.
$Deo gratias

[Versum 2]
V. María Virgo cælos ascéndit. (Allelúja.)
R. Cum Christo regnat in ætérnum. (Allelúja.)

[Ant 2]
Regína mundi digníssima, * María, Virgo perpétua, intercéde pro nostra pace et salúte, quæ genuísti Christum Dóminum, Salvatórem ómnium. (Allelúja.)

[Lectio Prima]
!Sir 24:30-31
v. Qui audit me, non confundétur, et qui operántur in me, non peccábunt: qui elúcidant me, vitam ætérnam habébunt.

[Responsory Breve Tertia]
R.br. Salve, * Regína misericórdiæ.
R. Salve, * Regína misericórdiæ.
V. Ex qua natus est Christus, Rex noster.
R. Regína misericórdiæ.
&Gloria
R. Salve, * Regína misericórdiæ.

[Versum Tertia]
@:Nocturn 2 Versum

[Capitulum Sexta]
!Sir 24:9-11
v. In omni terra steti et in omni pópulo, et in omni gente primátum hábui, et ómnium excelléntium et humílium corda virtúte calcávi.
$Deo gratias

[Responsory Breve Sexta]
R.br. Stabat juxta crucem Jesu * Mater ejus.
R. Stabat juxta crucem Jesu * Mater ejus.
V. In passióne sócia, totíus mundi Regína.
R. Mater ejus.
&Gloria
R. Stabat juxta crucem Jesu * Mater ejus.

[Versum Sexta]
@:Nocturn 3 Versum

[Capitulum Nona]
@:Lectio Prima
$Deo gratias

[Responsory Breve Nona]
R.br. Beátam me dicent * Omnes generatiónes.
R. Beátam me dicent * Omnes generatiónes.
V. Quia fecit mihi magna qui potens est.
R. Omnes generatiónes.
&Gloria
R. Beátam me dicent omnes generatiónes.

[Versum Nona]
@:Versum 2

[Versum 3]
@:Versum 2

[Ant 3]
Beáta Mater * et intácta Virgo María, gloriósa Regína mundi, intercéde pro nobis ad Dóminum. (Allelúja.)
