[Officium]
S. Ephræm Syri Confessoris et Ecclesiæ Doctoris
(sed rubrica monastica)
S. Ephræm Syri Diaconi, Confessoris et Ecclesiæ Doctoris

[Rank]
;;Duplex;;3;;vide C5a
(sed rubrica 1963)
;;Simplex;;1.1;;vide C5a

[Rule]
vide C5a;
9 lectiones

[Name]
Ephræm

[Oratio]
Deus, qui Ecclésiam tuam beáti Ephræm Confessóris tui et Doctóris mira eruditióne et præcláris vitæ méritis illustráre voluísti: te súpplices exorámus; ut, ipso intercedénte, eam advérsus erróris et pravitátis insídias perénni tua virtúte deféndas.
$Per Dominum

[Lectio4]
Ephræm genere Syrus, Nisibeno patre natus est. Adhuc juvenis ad sanctum Jacobum episcopum se contulit, a quo baptizatus, brevi ita sanctitate et doctrina profecit, ut in schola Nisibi, Mesopotamiæ urbe, florente magister fuerit constitutus. Post Jacobi episcopi mortem, Nisibi a Persis capta, Edessam profectus est; ubi primum in monte inter monachos consedit, deínde, ut plurimos ad se confluentes homines vitaret, vitam duxit eremiticam. Edessenæ ecclesiæ diaconus ordinatus, et ob humilitatem sacerdotium recusans, omnium virtutum splendore enituit, et pietatem et religionem vera sapientiæ professione sibi comparare sategit. Spem omnem in solo Deo defixam habens, quævis humana ac transitoria contemnens, divina ac sempiterna assidue concupiscebat.

[Lectio5]
Cæsaream Cappadociæ, divino ductus Spiritu, cum petiisset, ipsum ibi os Ecclesiæ Basilium vidit, et uterque mutua consuetudine opportunum in modum usus est. Ad innumeros errores refellendos, qui, tunc temporis grassantes, Ecclesiam Dei divexabant, atque ad mysteria Domini nostri Jesu Christi sedulo illustranda, plurimas edidit lucubrationes, Syro sermone compositas, et fere omnes in linguam Græcam versas; atque, teste sancto Hieronymo, ipse ad tantum venit claritudinem, ut, post lectionem Scripturarum, publice in quibusdam ecclesiis ejus scripta recitarentur.

[Lectio6]
Universa illius opera, tam splendido doctrinæ lumine referta effecerunt, ut idem Sanctus, adhuc vivens, tamquam Ecclesiæ Doctor, magno honore habitus fuerit. Metrica quoque cantica composuit in laudem beatissimæ Virginis Mariæ ac Sanctorum: quam ob causam a Syris Spiritus Sancti cithara merito fuit appellatus. In mirifica ac pia devotione erga eamdem Virginem immaculatam primum excelluit. Meritis plenus, Edessæ, in Mesopotamia, decimo quarto Kalendas Julii, decessit sub Valente principe: eumque, instántibus plúribus Sanctæ Románæ Ecclésiæ Cardinálibus, Patriárchis, Archiepíscopis, Epíscopis, Abbátibus, et religiósis famíliis, Benedíctus Papa décimus quintus, ex Sacrórum Rítuum Congregatiónis consúlto, universális Ecclésiæ Doctórem declarávit. 

[Lectio94]
Ephræm, génere Syrus, Nisibéno patre natus est. Adhuc júvenis ad sanctum Jacóbum epíscopum se cóntulit, a quo baptizátus, brevi ita sanctitáte et doctrína profécit, ut in schola Nísibi, Mesopotámiæ urbe, florénte magíster fúerit constitútus. Edessénæ ecclésiæ diáconus ordinátus et ob humilitátem sacerdótium recúsans, ómnium virtútum splendóre enítuit, et pietátem et religiónem vera sapiéntiæ professióne sibi comparáre satégit. Univérsa illíus ópera, tam spléndido doctrínæ lúmine reférta, effecérunt, ut idem Sanctus, adhuc vivens, tamquam Ecclésiæ Doctor, magno honóre hábitus fúerit. In mirífica ac pia devotióne erga Vírginem Immaculátam primum excélluit. Méritis plenus, Edéssæ in Mesopotámia, décimo quarto kaléndas júlii, decéssit sub Valénte príncipe: eúmque Benedíctus Papa décimus quintus, ex Sacrórum Rítuum Congregatiónis consúlto, universális Ecclésiæ Doctórem declarávit.
&teDeum

[Lectio7]
Léctio sancti Evangélii secúndum Matthǽum.
!Matt 5:13-19
In illo témpore: Dixit Jesus discípulis suis: Vos estis sal terræ. Quod si sal evanúerit, in quo saliétur? Et réliqua.
_
Homilia sancti Ephræm Syri, Diaconi
!Sermo de vita et exercitatione monastica
Præclarum est bonum inchoare atque perficere, et gratum Deo esse et utilem proximo, ipsique summo ac dulcissimo rectori nostro Christo Jesu placere, qui ait: Vos estis sal terræ, et columna cælorum. Labor afflictionis tuæ, dilectissime, tamquam somnus est; porro laboris requies inenarrabilis atque inæstimabilis. Attende ergo tibi ipsi sollicite, ne utrumque pariter amittas, dum neutrum plene persequeris, præsentem scilicet sempiternamque lætitiam. Stude potius perfectam virtutem consequi, ornatam atque insignitam omnibus quæ diligit Deus. Hanc si assequaris, numquam irritabis Deum, neque proximum tuum violabis.

[Lectio8]
Porro virtus ista, unica uniusque speciei dicitur, variarum virtutum in se ipsa habens pulchritudinem. Diadema regium absque pretiosis lapidibus candentibusque margaritis connecti texique non potest; ita et hæc unica virtus sine variarum fulgore virtutum constare nequit. Est enim profecto simillima diademati regio. Nam, ut illi, si lapis unus aut margarita defuerit, in regio capite lucere pleniter nequit; ita et hæc unica virtus, nisi virtutum ceterarum honore conseritur, perfecta virtus non appellatur. Similis item est pretiosissimis epulis, exquisitissimis condimentis præparatis, sed sale carentibus. Sicut enim pretiosi illi cibi sine sale comedi nequeunt; ita et ista virtus uniformis, si variarum virtutum gloria et honore decoretur, absit autem Dei proximique dilectio, vilis prorsus atque contemptibilis est.
