[Officium]
S. Ignatii Confessoris

[Rank]
;;Duplex majus;;4;;vide C5
(sed rubrica monastica)
;;Duplex;;3;;vide C5
(sed rubrica cisterciensis)
;;Simplex;;1.2;;vide C5

[Rule]
vide C5;
9 lectiones;
(sed rubrica cisterciensis)
3 lectiones

[Oratio]
Deus, qui ad majórem tui nóminis glóriam propagándam, novo per beátum Ignátium subsídio militántem Ecclésiam roborásti: concéde; ut, ejus auxílio et imitatióne certántes in terris, coronári cum ipso mereámur in cælis.
$Per Dominum

[Oratio] (rubrica cisterciensis)
@Commune/C5-1::s/N\./Ignátii/

[Lectio4]
Ignatius, natióne Hispanus, nobili genere Loyolæ in Cantabria natus, primo catholici regis aulam, deínde milítiam secutus est. In propugnatióne Pampelonénsi accepto vulnere gráviter decumbens, ex fortuita piórum librórum lectióne, ad Christi Sanctorúmque sectanda vestígia mirabíliter exársit. Ad montem Serrátum profectus, ante aram beátæ Vírginis suspénsis armis, noctem éxcubans, sacræ milítiæ tirocinium pósuit. Inde, ut erat indútus sacco, traditis antea mendíco pretiósis vestibus, Manresam secessit; ubi, emendicato pane et aqua víctitans, exceptisque diébus Dominicis, jejunans, aspera catena cilicióque carnem domans, humi cubans, et férreis se flagellis cruentans, per annum commorátus est, claris adeo illustratiónibus a Deo recreatus, ut póstea dicere sólitus sit: Si sacræ Litteræ non exstarent, se tamen pro fide mori parátum ex iis solum, quæ sibi Manresæ patefécerat Dóminus. Quo témpore, homo litterárum plane rudis, admirábilem illum compósuit exercitiórum librum, Sedis apostolicæ judício et ómnium utilitate comprobátum.

[Lectio5]
Ut vero se ad animárum lucra rite formaret, subsidium litterárum, a grammatica inter púeros exorsus, adhibére státuit. Cumque nihil interim omitteret de studio alienæ salútis, mirum est quas ubíque locórum ærúmnas ac ludibria devoráverit, asperrima quæque, et víncula et verbera pene ad mortem usque perpéssus: quibus tamen longe plura pro Dómini sui glória semper expetebat. Lutetiæ Parisiórum adjunctis sibi ex illa academía variárum natiónum sociis novem, qui omnes artium magistériis et theologíæ gradibus insignes erant, ibidem in monte Mártyrum prima ordinis fundaménta jecit, quem póstea Romæ instítuens, ad tria consueta quarto addito de Missiónibus voto, Sedi apostolicæ arctius adstrinxit; et Paulus tertius primo recepit confirmavítque, mox alii Pontifices ac Tridentina synodus probavére. Ipse autem, misso ad prædicándum Indis Evangélium sancto Francisco Xaverio, aliisque in alias mundi plagas ad religiónem propagandam disseminatis, éthnicæ superstitióni hæresique bellum indixit; eo successu continuátum, ut constans fúerit ómnium sensus, étiam pontificio confirmátus oraculo, Deum, sicut alios aliis tempóribus sanctos viros, ita Luthéro ejusdemque témporis hæreticis Ignatium et institutam ab eo societátem objecisse.

[Lectio6]
Sed in primis inter Catholicos instaurare pietátem curæ fuit. Templórum nitor, catechismi traditio, conciónum ac sacramentórum frequéntia ab ipso increméntum accepére. Ipse, apertis ubíque locórum ad juventútem erudiéndam in litteris ac pietáte gymnasiis, eréctis Romæ Germanórum collegio, male nuptárum et periclitántium puellárum cœnobiis, utriusque sexus tam orphanórum quam catechumenórum dómibus, aliisque pietátis opéribus, indeféssus lucrandis Deo ánimis instábat; audítus aliquándo dicere, si optio darétur, malle se beatitúdinis incertum vivere, et interim Deo inservire et proximórum saluti, quam certum ejusdem glóriæ statim mori. In dæmones mirum exercuit impérium. Vultum ejus cælésti luce radiántem sanctus Philippus Nerius aliique conspexere. Denique, ætátis anno sexagesimo quinto, ad Dómini sui amplexum, cujus majórem glóriam in ore semper habúerat, semper in ómnibus quæsíerat, emigrávit. Quem Gregórius décimus quintus, magnis in Ecclésiam meritis et miraculis illustrem, Sanctórum fastis adscripsit, et Pius undecimus, sacrórum Antístitum votis obsecundans, ómnium Exercitiórum Spiritualium Patronum cælestem constítuit ac declarávit.

[Lectio94]
Ignátius, natióne Hispánus, Loyólæ in Cantábria natus, primo cathólici regis aulam, deínde milítiam secútus est. In propugnatióne Pampelonénsi accépto vúlnere gráviter decúmbens, ex fortúita piórum librórum lectióne ad Christi et Sanctórum vestígia sectánda mirabíliter exársit. Ad montem Serrátum proféctus ante aram beátæ Vírginis suspénsis armis, noctem éxcubans, sacræ milítiæ tirocínium pósuit. Singuláris fuit ejus vitæ austéritas. Litterárum plane rudis, sed claris a Deo illustratiónibus recreátus, mirábilem illum compósuit Exercitiórum librum, Sedis apostólicæ judício et ómnium utilitáte comprobátum. Lutétiæ Parisiórum, adjúnctis sibi ex illa academía variárum natiónum sóciis novem, in monte Mártyrum prima Societátis Jesu fundaménta jecit; quam póstea Romæ perfécit, ad tria consuéta quarto áddito de Missiónibus voto, ad nutum apostólicæ Sedis excoléndis. Templórum nitor, catechísmi tradítio, conciónum ac sacramentórum frequéntia ab ipso increméntum accepére. Cathólicæ religiónis ubíque dilatándæ fuit studiosíssimus, et in dǽmones mirum exércuit impérium. Ætátis sexagésimo quinto, ad ampléxum migrávit Dómini sui, cujus majórem glóriam in ómnibus quæsíverat. Eum Pius undécimus ómnium Exercitiórum Spirituálium Patrónum cæléstem constítuit et declarávit.
&teDeum

[Lectio7]
@Commune/C1a:Lectio7

[Lectio8]
@Commune/C1a:Lectio8

[Lectio9]
@Commune/C1a:Lectio9
