[Officium]
Quarta die infra Octavam S. Assumptionis Beatæ Mariæ Virginis
(sed rubrica 1570)
Tertia die infra Octavam S. Assumptionis Beatæ Mariæ Virginis

[Rank]
;;Semiduplex;;2;;vide Sancti/08-15

[Rule]
vide Sancti/08-15;
9 lectiones;
Doxology=Nat

[Ant Vespera] (rubrica cisterciensis)
@Sancti/08-15t::s/;;.*//g

[Versum 1] (rubrica cisterciensis)
@SanctiM/08-15

[Ant 1] (rubrica cisterciensis)
@Sancti/08-16bmv

[Lectio1]
De Canticis canticorum
!Cant 4:1-4
1 (Sponsus) Quam pulchra es, amica mea ! quam pulchra es ! Oculi tui columbarum, absque eo quod intrinsecus latet. Capilli tui sicut greges caprarum quæ ascenderunt de monte Galaad.
2 Dentes tui sicut greges tonsarum quæ ascenderunt de lavacro; omnes gemellis fœtibus, et sterilis non est inter eas.
3 Sicut vitta coccinea labia tua, et eloquium tuum dulce. Sicut fragmen mali punici, ita genæ tuæ, absque eo quod intrinsecus latet.
4 Sicut turris David collum tuum, quæ ædificata est cum propugnaculis; mille clypei pendent ex ea, omnis armatura fortium.
(sed rubrica 1955 omittitur)

[Responsory1]
@Sancti/08-15:Responsory1
(sed rubrica 1955 omittitur)

[Lectio2]
!Cant 4:7-10
7 Tota pulchra es, amíca mea, et mácula non est in te.
8 Veni de Líbano, sponsa mea: veni de Líbano, veni, coronáberis: de cápite Amana, de vértice Sanir et Hermon, de cubílibus leónum, de móntibus pardórum.
9 Vulnerásti cor meum, soror mea, sponsa; vulnerásti cor meum in uno oculórum tuórum, et in uno crine colli tui.
10 Quam pulchræ sunt mammæ tuæ, soror mea sponsa! pulchrióra sunt úbera tua vino, et odor unguentórum tuórum super ómnia arómata.
(sed rubrica 1955 omittitur)

[Responsory2]
@Sancti/08-15:Responsory2
(sed rubrica 1955 omittitur)

[Lectio3]
!Cant 4:11-15
11 Favus distíllans lábia tua, sponsa; mel et lac sub lingua tua: et odor vestimentórum tuórum sicut odor thuris.
12 Hortus conclúsus soror mea, sponsa, hortus conclúsus, fons signátus.
13 Emissiónes tuæ paradísus malórum punicórum, cum pomórum frúctibus, cypri cum nardo.
14 Nardus et crocus, fístula et cinnamómum, cum univérsis lignis Líbani; myrrha et áloe, cum ómnibus primis unguéntis.
15 Fons hortórum, púteus aquárum vivéntium, quæ fluunt ímpetu de Líbano.
(sed rubrica 1955 omittitur)

[Responsory3]
@Sancti/08-15:Responsory3
(sed rubrica 1955 omittitur)

[Lectio4]
@:Lectio4r
(sed rubrica tridentina aut rubrica 1939)
@:Lectio4t
(sed rubrica 1570)
@:Lectio4o

[Lectio4o]
Sermo sancti Joannis Damasceni
!Orat. 2 de drom. Deiparæ
Jubilemus in arca Domini Dei toto animo, et muri cadent Hiericontini, contrariarum, inquam potestatum infestæ munitiones. Cum David exsultemus spiritu. Arca enim Domini hodie requievit. Clamemus cum Gabriele, qui primum locum obtinet inter angelos: Ave gratia plena: dominus tecum. Ave gaudii pelagus inexhaustum. Ave unicum molestiarum levamen. Aue omnium cordis dolorum medicamentum. Ave sancta virgo per quam mors quidem fuit expulsa, vita autem introducta.

[Lectio4r]
Ex Constitutione Apostolica Pii Papæ duodecimi
_
Sanctorum Patrum ac theologorum argumenta considerationesque Sacris Litteris, tamquam ultimo fundamento, nituntur; quæ quidem almam Dei Matrem nobis véluti ante oculos  proponunt divino Filio suo conjunctissimam, ejusque semper participantem sortem.  Quamóbrem quasi impossibile videtur eam cérnere, quæ Christum concepit, péperit, suo lacte aluit, eumque inter ulnas habuit pectorique obstrinxit suo, ab eodem post terrestrem hanc vitam, etsi non anima, corpore tamen separatam.  Cum Redemptor noster Mariæ Filius sit, haud poterat profecto, útpote divinæ legis observator perfectissimus, præter Æternum Patrem, Matrem quoque suam dilectissimam non honorare. Atqui, cum eam posset tam magno honore exornare, ut eam a sepulcri corruptione servaret incólumem, id reapse fecisse credendum est.

[Lectio4t]
De Sermone sancti Joannis Damasceni
!Orat. 2 de Dormitione Deiparæ, sub finem
Ex antíqua accépimus traditióne, quod témpore gloriósæ dormitiónis beátæ Virginis, univérsi quidem sancti Apóstoli, qui orbem terræ ad salútem Géntium peragrábant, moménto témporis in sublíme eláti, convenérunt Jerosólymis. Cumque illic essent, eis vísio appáruit angélica, et audíta est psalmodía cæléstium Potestátum; et sic cum divína glória in manus Dei sanctam trádidit ánimam. Ejus autem corpus, quod Deum ineffábili quadam ratióne suscépit, cum angélica et apostólica hymnodía elátum, in lóculo fuit depósitum Gethsemane; quo in loco Angelórum cantus mansit tres dies contínuos.

[Responsory4]
@Sancti/08-15:Responsory4

[Lectio5]
@:Lectio5r
(sed rubrica tridentina aut rubrica 1939)
@:Lectio5t
(sed rubrica 1570)
@:Lectio5o

[Lectio5o]
Tu vero o sacrorum sepulcrorum sacratissimum, post domini quidem sepulcrum, quod uitæ dedit principium, quod fuit fons resurrectionis, (tecum enim loquar tamquam cum animato) ubinam est aurum illud purum, quod manus apostolorum in te condiderunt! Ubi divitiæ, quæ consumi nequeunt! Ubi novum uolumen, in quo ineffabiliter deus uerbum sine manu inscriptum fuit! Ubi abyssus gratiæ? Ubi pelagus curationum? Ubi est desiderabile illud deiparæ uirginis corpus?

[Lectio5r]
Maxime autem illud memorandum est, inde a sæculo secundo, Mariam Virginem a sanctis Patribus véluti noavm Hevam proponi novo Adæ, etsi subjectam, arctissime conjunctam in certamine illo adversus inferorum hostem, quod quemadmodum in protoevangelio præsignificatur, ad plenissimam deventurum erat victoriam de peccato ac de morte, quæ semper in gentium Apostoli scriptis inter se copulantur.  Quamóbrem, sicut gloriosa Christi anástasis essentialis pars fuit ac postremum hujus victoriæ tropæum, ita Beatæ Virginis commune cum Filio suo certamen virginei corporis « glorificatione » concludendum erat; ut enim idem Apostolus ait, « cum ... mortale hoc induerit immortalitatem, tunc fiet sermo, qui scriptus est: absorpta est mors in victoria. »

[Lectio5t]
Post tres autem dies angélico cantu cessante, qui áderant Apóstoli (cum unus Thomas, qui abfúerat, post tértium diem venísset, et, quod Deum suscéperat, corpus adoráre voluísset), túmulum aperuérunt; sed omni ex parte sacrum ejus corpus nequáquam inveníre potuérunt. Cum ea autem tantum inveníssent, in quibus fúerat compósitum, et ineffabili, qui ex iis proficiscebátur, essent odóre repléti, lóculum clausérunt. Ejus mystérii obstupefácti miráculo, hoc solum cogitáre potuerunt, quod, cui plácuit ex María Vírgine carnem súmere, et hóminem fíeri et nasci, cum esset Deus Verbum, et Dóminus glóriæ, quique post partum incorrúptam servávit ejus virginitátem; eídem étiam plácuit, et ipsíus, postquam migrávit, immaculátum corpus, incorrúptum servátum, translatióne honoráre ante commúnem et universálem resurrectiónem.

[Responsory5]
@Sancti/08-15:Responsory5

[Lectio6]
@:Lectio6r
(sed rubrica tridentina aut rubrica 1939)
@:Lectio6t
(sed rubrica 1570)
@:Lectio6o

[Lectio6o]
Quid quæritis in sepulcro eam, quæ ad cælestia translata est tabernacula? cur a me custodiæ rationem exposcitis? Non possum ego divinis jussis resistere. Sacrosanctum corpus mihi quoque sanctitatem impertivit quod me pretiosissimi unguenti fragrantia replevit, et divinum templum effecit relictis sindonibus, abiit raptum sublime, comitantibus angelis, archangelis, et omnibus cælestibus potentiis. Nunc me circumdant angeli; nunc divina in me habitat gratia. Ergo evasi officina medicinæ ægrotantibus. Ego sum fons perennis curationum: Ego remedium aduersus dæmones: Ego civitas refugii omnibus ad me confugientibus.

[Lectio6r]
Idcirco augusta Dei Mater, Jesu Christo, inde ab omni æternitate, « uno eodemque decreto » prædestinationis, arcano modo conjuncta, immaculata in suo conceptu, in divina maternitate sua integerrima virgo, generosa Divini Redemptoris socia, qui plenum de peccato ejusque consectariis deportavit triumphum, id tandem assecuta est, quasi supremam suorum privilegiorum coronam, ut a sepulcri corruptione servaretur immunis, utque, quemadmodum jam Filius suus, devicta morte, corpore et anima ad supernam cæli gloriam eveheretur, ubi Regina refulgéret ad ejusdem sui Filii dexteram, immortalis sæculorum Regis.

[Lectio6t]
Aderant tunc cum Apóstolis sanctíssimus Timotheus, primus epíscopus Ephesiórum, et Dionysius Areopagíta, sicut ipse testátur in iis, quæ de beáto Hierótheo, qui ipse quoque tunc áderat, scripsit ad prædíctum Timótheum, sic dicens: Nam étiam apud ipsos a Deo afflátos Sacrórum antístites, quando nos quoque, ut nosti, et multi ex sanctis nostris frátribus, ad contuéndum corpus, quod Vitæ princípium dedit, et Deum suscépit, convenissémus (áderat autem et Dómini frater Jacóbus, et Petrus, supréma et antiquíssima theologórum súmmitas): et viso sacro córpore, plácuit ómnibus, prout quisque póterat, hymnis celebráre infínitam bonitátem divínæ poténtiæ.

[Responsory6]
@Sancti/08-15:Responsory6

[Lectio7] (rubrica 1954)
Lectio sancti Evangelii secundum Lucam
!Luc 1:41-50
In illo tempore: Repleta est Spiritu Sancto Elisabeth et exclamavit voce magna, et dixit: Benedicta tu inter mulíeres. Et réliqua.
_
Homilia sancti Petri Damiani Episcopi
!In Nativitate B. M. V.
Virgo Dei Genitrix, cujus pulchritudinem sol et luna mirantur, súbveni, dómina, clamantibus ad te jugiter: Revértere, revértere Sunamítis, revértere, revértere, ut intueamur te. Tu benedicta, et super benedicta, revértere per potentiam.  Fecit in te magna qui potens est, et data est tibi omnis potestas in cælo et in terra.  Nihil tibi impossibile, cui possibile est desperatos in spem beatitudinis relevare.  Quomodo enim illa potestas tuæ potentiæ poterit obviare, quæ de carne tua carnis suscepit originem?  Accedis enim ante illud aureum humanæ, reconciliationis altare, non solum rogans, sed imperans, dómina, non ancilla.  Moveat te natura, potentia moveat, quia quanto potentior, tanto misericordior esse debebis.  Potestati enim cedit ad gloriam, injurias ulcisci nolle cum possit.  Revértere per amórem.  Scio, dómina, quia benignissima es, et amas nos amóre invincibili, quos in te et per te Filius tuus et Deus tuus summa dilectione dilexit.  Quis scit quoties refrigeras iram Judicis, cum justitiæ virtus a præsentia deitatis egréditur?

[Lectio7] (rubrica tridentina aut rubrica 193)
Léctio sancti Evangélii secúndum Lucam
!Luc 10:38-42
In illo témpore: Intravit Jesus in quoddam castellum: et mulier quædam, Martha nomine, excepit illum in domum suam. Et réliqua.
_
De Homilia sancti Augustíni Epíscopi
!Ex Serm. 27 de Verbis Dom., paulo ante medium
Bene Martha circa corporalem Domini, quid dicam, necessitatem, an voluntatem? ministrebat carni mortali. Sed quis erat in carne mortali? In principio erat Verbum, et Verbum erat apud Deum, et Deus erat Verbum. Ecce quod Maria audiebat. Verbum caro factum est, et habitavit in nobis. Ecce Martha cui ministrabat. Ergo Maria meliorem partem elegit, quæ non auferetur ab ea. Hoc enim elegit, quod semper manebit, ideo non auferetur ab ea.

[Responsory7]
@Sancti/08-15:Responsory7

[Lectio8] (rubrica 1954)
Revértere per singularitatem. In manibus tuis sunt thesauri miserationum Domini, et sola electa es, cui gratia tanta conceditur. Absit ut cesset manus tua, cum occasionem quæras salvandi miseros et misericordiam effundendi! neque enim tua gloria minúitur, sed augetur, cum pœnitentes ad veniam, justificati ad gloriam assumuntur. Revértere ergo, Sunamítis, id est despecta, cujus animam pertransivit gladius quæ fabri uxor appellata fuisti.  Ad quid?  Ut intueamur te. Summa gloria est post Deum te vidére, adhærére tibi, et in tuæ protectionis munimine demorari. Audi nos. Nam et Filius nihil negans honorat te, qui est Deus benedictus in sæcula sæculorum. Amen.

[Lectio8] (rubrica tridentina aut rubrica 193)
Circa unum Maria se voluit occupari. Jam tenebat: Mihi autem adhærere Deo bonum est. Sedebat ad pedes capitis nostri. Quanto humilius sedebat, tanto amplius capiebat. Confluit enim aqua ad humilitatem convallis, denotat de tumoribus collis. Non ergo Dominus opus reprehendit, sed munus distinxit. Circa multa es occupata: porro unum est necessarium. Jam hoc sibi Maria elegit.

[Responsory8]
@Sancti/08-15:Responsory8

[Versum 2] (rubrica cisterciensis)
@:Versum 1

[Ant 2] (rubrica cisterciensis)
@Sancti/08-16bmv
