@Sancti/01-11cc

[Rank]
;;Duplex;;3;;vide C2b

[Rule]
vide C2b;
9 lectiones

[Lectio4]
Hyginus Atheniénsis, philosopho patre, cum jam Románæ Ecclésiæ présbyter esset, cleri suffrágiis, Telesphoro sufféctus est. Sedit in sancta Petri sede, imperatóre Antoníno Pio Augusto, annos tres, menses lindecim, dies vigínti octo. Ubi primumPontifex renuntiátus est, clericórum ordines in suos gradus distínxit, ac fecit, ut in iis ecclésiis, quas Títulos vocant, tum primarii minístri, tum álii eísdem subjecti adessent, qui fidélibus, cum res postularet, sacra ministrarent.

[Lectio5]
Instítuit étiam ne absque celebratióne Missæ templa vel oratoria sacro ritu consecrarentur: ne inconsulto epíscopo, vel nova construerentur, vel jam constructa destruerentur, et ne materies ad sacrum illum usum congesta et destinata, in profanos usus converteretur. Edixit prætérea, ut patrini baptísmo adessent, qui de sacro fonte infantes levarent: ne quis epíscopus reus críminis damnaretur, nisi a comprovincialibus epíscopis ejus causa probe discussa fuísset. Cuncta hæc ejus título ac nómine sancita exstant. Tres ordinatiónes hábuit mense Decémbri, quibus creávit epíscopos sex, presbyteros quíndecim, diáconos quinque.

[Lectio6]
Cum autem paulo ante Justínus claríssimus philosophuæt Christi Martyr scripsísset apologiam pro religióne christiána ad imperatórem Antoninum Pium Augústum, obtínuit ut persecutio desæviret. Hinc a Christianórum cæde, non quidem omníno, plúrimum tamen, público príncipis edícto, temperatum est. Sanctíssimo tamen pastori, cujus cura Domínico gregi consultum fúerat, parcitum non fuit; nempe hic glorióso martyrio, ne antecessoribus dissimilis esset, innocentissimam vitam terminavit, die undecima Januárii, et sepúltus est in Vaticáno.
