[Officium]
S. Zachariæ III Papæ et Confessoris

[Rank]
;;Duplex;;3;;vide C4b

[Rule]
vide C4b;
9 lectiones

[Name]
Zacharíæ
(sed communi Summorum Pontificum)
Zacharíam

[Lectio4]
Zacharías natióne Græcus, patre Polychronio, Gregório tértio ex hac luce subtracto, ad beáti Petri Cáthedram est evéctus. Vir fuit mitissimi ingénii, miræ suavitátis et grátiæ, cleri ac pópuli Románi amator, ad iram tardus, ad misericórdiam et clementiam promptissimus,nulli malum pro malo reddens, sed vincens in bono malum; ádeo ut quos habúerat semulos et inimícos, eosdem inítio pontificátus honóribus et prǽmiis affecerit. Póntifex creátus, ut Itáliam armis Longobardórum vexatam suæ tranquillitati restitueret, ad Luitprandum regem, Interamnse degentem, et legátos misit, et ipse proféctus est, ubi et oratiónis elegantia, et vitæ sanctitáte sic regem demulsit, ut quas civitátes, óppida et patrimonia ab Ecclésia abstulerat, eídem restituerit.

[Lectio5]
Sed et Ticínum usque proféctus eúmdem infiexit, ut a Ravennatum oppressione cessaret. Rachim ádiit, Perusiam acri obsidione prementem, quemtanta oratiónis majestáte permovit, ut et ab omni oppugnatione desisteret, et religiónis amóre succénsus, regiam dignitátem et paludamentum monachali institúto et hábitu permutaret. Consultus a Francis, regnum illud a Childerico, viro stupido et ignavo, ad Pipinum, pietáte et fortitúdine præstantem, auctoritáte apostólica tránstulit. Multas synodos et conciHa celebrávit, pro ecclesiásticæ disciplínæ restauratione.

[Lectio6]
Romæ ómnia loca sacra aut reparavit, autditiora effécit. Sanctórum imagines vetustáte exoletas renovávit, et Lateranense patriarchium, quod magna in pemiria invénerat, pene a novo restauravit, ac multas relíquias ibi inventas divérsis ecclésiis distríbuit Paupéribus aléndis réditus assignavit. Bibliothecam sancti Petri constrúxit, basílicam sancti Geórgii in Velabro cóndidit; ædificávit et oratórium divæ Cæcíliæ via Tiburtina. Clerum valde diléxit, et donativum síngulis presbyteris et diáconis erogávit. Sancti Gregórii Dialogórum libros in græcum tránstulit, rebúsque váriis pro Ecclésiæ utilitáte non minus pie quam próspere gestis, sanctitátis láurea est coronátus.
