[Officium]
S. Xysti I Papæ et Martyris

[Rank]
;;Duplex;;3;;vide C2b

[Rule]
vide C2b;
9 lectiones

[Name]
Xysti
(sed communi Summorum Pontificum)
Xystum

[Lectio4]
Xystus hujus nóminis primus, Románus natióne, de regióne Urbis séptima, quo Via lata dicta est, patre Pastóre génitus, in locum Alexándri primi, RomaniPontificis,nobilissimo martyrio coronati, totíus cleri suffrágiis sufféctus, suprémo illo múnere egrégie et summa cum laude perfúnctus est annis novem, ménsibus decem, diébus octo, sub imperatóribus Adriano et Antoníno Pio Augustis.

[Lectio5]
Nonnulla ad disciplínam ecclesiásticam pertinéntia prudentíssime státuit, scílicet, ne sacra vasa et ministeria ab áliis, qui sacri minístri non essent , contrectarentur : ne sacrum corporale, ut vocant, ex ália, quam linea matéria fíeret: ut sacrum Trisagium in Missa pópulus decantaret : et ne ullus Epíscopus Romam evocátus ad suam deínde diœcesim rédiens susciperetur, nisi lítteris apostólicis, quas Formatas et Canonicas antiqui vocabant, munítus esset.

[Lectio6]
Tres ordinatiónes mense Decémbri pro more fecit , in quibus creávit Epíscopos quátuor pro divérsis locis, Presbyteros úndecim , Diáconos tres. Vir revéra singulári vitæ sanctimónia, incredíbili morum facilitate, exímia in páuperes liberalitate, frequéntibus étiam insígnis miráculis, illústri tandem martyrio coronátus, octávo Idus Aprílis, et sepúltus in Vaticáno.
