[Officium]
S. Leonis IX Papæ et Confessoris

[Rank]
;;Duplex;;3;;vide C4b

[Rule]
vide C4b;
9 lectiones

[Name]
Leónis
(sed communi Summorum Pontificum)
Leónem

[Lectio4]
Leo hujus nóminis nonus, ex nóbili Francorum prosapia oriundus, Dagsburgensis comes, ac Tullensis epíscopus, Bruno ántea dictus, ómnium Cardinálium suffrágiis, ac commúni fidélium gratulatione, ad sanctíssimam Petri sedem evéctus est, et in ea sedit annis quinque, duóbus ménsibus, diébus octo. Vir omni virtútum génere et sacra doctrína exímius, ut Apostolicum hoc munus impleret, nullis labóribus, nullis súmptibus, nullis incommodis pepércit.

[Lectio5]
Germániam et Itáliam sǽpius, Gálliam semel visitávit. Hábuit novem concilia, Rhemis, Moguntiæ, Vercéllis, Papiæ, Romæ, ad restaurandos Christianórum raores. Multas lítteras ad imperatores, reges, patriarchas, epíscopos, zelo ac pietáte flagrantes scripsit. Legátos ad imperatoremConstantinopolitanum, pro reductione Græcórum, semel atque íterum misit; Berengarium hæréticum semel iterumque damnávit, et Michaélem Cerularium patriarcham, insígnem schismaticum, anathemate perculit.

[Lectio6]
Dum Romæ ágeret, ter in hebdómada a sacrosancta ecclésia Lateranénsi ad Vaticanam, nudis pédibus, noctu, orans et psallens pergebat. Principi Apostolórum decimam oblationum partem sibi de more competentem, pontifício diplomate cessit. Patrimónium suum próprium in erectionem monastérii impondit: unde étiam quotánnis pecúnia submitteretur in sumptus rosæ aureæ, quam Románi Pontífices antiquo et solémni ritu benedicunt. In páuperes et peregrinos effusam liberalitátem exércuit. Sub leprosi forma et hábitu Christum aliquándo próprio lecto excépit. Dénique multis pro Ecclésia labóribus exantlátis, óbiit die décima nona Aprílis, anno millésimo quinquagésimo quarto, ante et post mortemmultis miráculis clarus, ac sepúltus est in Vaticáno. 
